Burela 13-10-18. O Pescados Rubén Burela FS sumou a súa terceira vitoria consecutiva esta tarde con 5-0 sobre o Dimurol S. Tenerife, un pechacancelas que chegou a Vista Alegre con alegría e soltura. A proposta en media pista dos visitantes xerou certas imprecisións nas filas dos de Juanma Marrube nos primeiros compases, pero co paso dos minutos, os laranxas fóronse atopando máis cómodos apostando por un xogo máis directo. Coa vantaxe dun dobrete de Lucho ao descanso e sen case perigo na rede de Edu, os galegos regresaron na segunda parte con serenidade en circulación de balón, multiplicándose o perigo en finalización.
Lucho adiantou os laranxas, no minuto 4, estreando a súa cuadrícula goleadora, nun centro de R. Vargas que Luisma fixo retroceder para o 4 burelista. Chegando ao minuto 10, Yeray despexou co pé un potente disparo exterior de Pope, desde balón parado. A punto estivo de subir o segundo Renato, no 12, cunha galopada pola banda que deixou atrás a Yeray, pero o lanzamento cruzado fóiselle por pouco. En 14, R. Vargas, fronte a Yeray, levantou cun suspiro á Bancada Laranxa, a piques de cazar un pase de Luisma. A defensa tinerfeña salvou de novo, nun pase longo de Edu a Renato. No minuto 17, os mariñáns viviron o seu maior perigo, cun desaxuste de pase merodeando a área de Edu, que liquidou o naronés respondendo en longo cara a Luisma, aínda que fracasou fronte a Yeray. Perdoou Pope no 18 desde balón parado, pero, por fin, poucos segundos despois volveu facer acto de presenza Lucho, rematando o rexeite do pau a tentativa de Luisma.
Ampliou a vantaxe para os galegos Juanfran no minuto 23, moi atento ao segundo pau tras salvar Yeray coa man unha tentativa de R. Vargas, en recuperación. Puxeron en apuros ao meta insular Juanfran e Renato, nos seguintes compases. Case sen ángulo, pegado ao fondo, Luisma, no 28, serviulle en bandexa o 4-0 a Pitero, ao bordo da liña de meta. Fóiselle moi alto a Luisma o pase de Pitero, segundos despois, cara a cara con Yeray, pero o quinto non se fixo esperar; Porto aproveitou, desde saque de esquina, para selalo. Os tinerfeños quixeron dar a volta ao marcador con Pierre como porteiro xogador; só tivo que intevir Edu unha vez. A falta de seis minutos, R. Vargas tamén liderou o xogo de cinco para os de Juanma Marrube. Nunha tarde moi acertada, Lucho, a falta de dous minutos para o final, rozou o sexto.
Ficha técnica
Pescados Rubén Burela FS: Edu, Juanfran, Pope, R. Vargas, Hélder, cinco inicial; tamén xogaron Luisma, Lucho, Pitero, Renato, Porto, Aarón
Dimurol S. Tenerife: Yeray, Jose, Vélez, Pierre, Kevin, cinco inicial; tamén xogaron Ayose, Sergio, Acaymo, Manu, Carmelito, Borja,
Goles: 1-0, minuto 4, Loito; 2-0, minuto 18, Loito; 3-0, minuto 23, Juanfran; 4-0, minuto 28, Pitero; 5-0, minuto 30, Porto
Árbitros: Faubell Zaldívar // Lázaro Angulo (Colexio Aragonés). Por Burela amarela a Pope (minuto 14), R. Vargas (minuto 35), Lucho. Por Tenerife amarela para Manu (minuto 7), Vélez (minuto 14), Jose (minuto 29),
Incidencias: Partido correspondente á xornada 5 de Segunda LNFS disputado en Vista Alegre antes unhas 800 persoas. Minuto de silencio inicial pola traxedia de Sant LLorenç.
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
