A Mariña. 23, novembro, 2018. O deputado autonómico popular da Mariña, Daniel Vega, asegura que “a formación garante a calidade do emprego”. E, nese sentido, a Xunta de Galicia pon en marcha na comarca un total de 6 obradoiros de emprego que combinan formación co desenvolvemento dun traballo efectivo grazas a un investimento de máis de 1,3 millóns de euros dos que se benefician 14 concellos.
Son un total de cinco obradoiros duais os que se puxeron en marcha na Mariña e que lles permiten aos participantes combinar un contrato de formación e aprendizaxe durante nove meses cun contrato adicional de, polo menos. tres meses máis nunha empresa emprazada no mesmo ámbito territorial do obradoiro e cunha actividade vinculada ás súas materias.
Vega recorda que “catro dos obradoiros son compartidos entre varios concellos”. É o caso de ‘Sendas de Burela, Xove e Cervo V’, ‘Serra da Cadeira V’ -que agrupa a Barreiros, Lourenzá, Mondoñedo e Trabada-, ‘Eo-Navia II’ -A Pontenova, A Fonsagrada e Negueira de Muñiz- e ‘Terras do Sor II’ -Muras, Ourol e O Vicedo-. “Ribadeo, pola súa banda, vese beneficiado dun obradoiro en solitario denominado ‘Ribadeo co Camiño’ que conta con 20 participantes”, destaca. A Xunta, a través da consellería de Economía, Emprego e Industria, achega algo máis de 288.000 euros para o desenvolvemento da cada un deles.
Igualmente, Ribadeo contará con outro taller dirixido especificamente a menores de 30 anos en situación de desemprego que “pon de manifesto o compromiso do Executivo autonómico co futuro dos mozos e mozas”, segundo considera o deputado popular. Así, un total de 16 mozos e mozas participarán no ‘DOC TIC II’ durante seis meses grazas á achega de máis de 154.000 euros por parte do Executivo autonómico.
Coa posta en marcha destes obradoiros de emprego na Mariña contrátanse un total de 140 persoas das que 116 serán alumnos e 24 persoal de dirección, monitores e persoal administrativo. As persoas beneficiarias disporán dun contrato de traballo e percibirán un salario durante a súa participación nesta actividade.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
