Burela 2-11-18. A Tarde Laranxa non podía empezar mellor. O Pescados Rubén Burela FS durmirá como líder en solitario de Primeira RFEF Liga Foro 16 Feminismo tras o triunfo ante Leganés Masdeporte (2-0) e o empate de Penya Esplugues e Jimbee Roldán (1-1). Unha diana de Dany en cada parte fíxoo posible, nunha cita na que a ansiedade e a precipitación non lles deixou mostrar o seu xogo á as de Julio Delgado e Lucas, medíndose a un serio rival, que se pechou ben e apertou moito, facendo dano en balón longo e xogada aérea.
Antes da medianía da primeira parte Dany, contra o pau, e Cilene, dun disparo raso a balón parado, dispuxeron das mellores ocasións. No 10, Jenny evitou que as madrileñas tomasen vantaxe no luminoso, cunha falta ao bordo do área, de Chuli. Ante unha atenta Sandra baixo paus, no 13 Dany volveu poñer o toque de perigo nunha recuperación de Peque que rematou a 3 laranxa. E por fin, no 16, o tándem Peque-Dany subiu o 1-0, cun pase da 7 mariñá ao segundo pau.
No reinicio, continuou o dominio e posesión locais ante a expectativa do Leganés. No 23, Cristina rozou o pau, e no 25 Luci intentou sorprender a Sandra desde media pista cun balón alto. Dany, no 28, a punto estivo de subir o segundo, entrando na portería. Superado o ecuador do segundo acto, no 31, tocoulle a Jenny cun potente disparo despexado pola meta madrileña. Con máis de dous minutos por diante, o Leganés apostou por xogo de cinco, na primeira tentativa Dany cazouna e subiu o 2-0 a porta baleira. Dispuxo Stone dunha boa chegada despois co obstáculo infranqueable de Jozi. A falta de 47 segundos Jenny volveu ter nos seus zapatillas unha sen porteira, que se foi desviada.
Ficha técnica
Pescadso Rubén Burela FS: Jozi, Cristina, Peque, Jenny, Alves, cinco inicial; tamén xogaron Cilene, Dany, Luci, Lara Balseiro
Leganés Masdeporte: Sandra, Chuli, Patry Montilla, Stone, Elena Aragón, cinco inicial tamén xogaron Laura Uña, Ampi, Mali, Bea Torija, Puche
Goles: 1-0, minuto 16, Dany; 2-0, minuto 39, Dany
Árbitros: Vilas López // Cardero Rodríguez (Galicia). Por Leganés amarela a Elena Aragón (minuto 20)
Incidencias: Partido correspondente á xornada 6 de Primeira RFEF Liga Foro 16 Feminismo disputado en Vista Alegre ante unhas 500 persoas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
