Burela 12-12-18. A Organización de Produtores Pesqueiros de Lugo, en colaboración con ABSA, organizou este martes 11 de decembro unha xornada sobre “a valorización dos produtos e a nova xestión pesqueira coa obriga de desembarque”.
O acto, que congregou no salón de actos de Armadores de Burela a uns 40 socios tanto da OPP-07 como de Absa, dividiuse en dous bloques temáticos, sobre normativa-regulación e valorización, respectivamente.
Na primeira parte da jornada Marta García Merchán, da Secretaría Xeral de Pesca da Subdirección Xeral de Caladeiro Nacional, Augas Comunitarias e Acuicultura, falou dos “Plans de xestión e obriga de desembarque”.
A segunda parte da xornada contou con Bruno Iñarra, do Centro Tecnolóxico AZTI, experto en innovación mariña e alimentaria, que falou sobre “Valorización de descartes/subprodutos pesqueiros”; e con Genma Laso Rodríguez, CEO de Inxenia Desarrollos Tecnológicos, que tratou os “Potenciais aproveitamentos de especies comerciais e non comerciais”.
Na xornada tamén participaron representantes da OPP Lugo; Pablo Fernández Asensio, Xefe Territorial da Consellería do Mar da Xunta de Galicia; e Mercedes Rodríguez Moreda, Directora Xeral de Pesca da Consellería do Mar da Xunta de Galicia.
Ao finalizar as ponencias, tódolos asistentes desprazáronse ata o restaurante Casa Miranda, onde tivo lugar unha degustación de produtos pesqueiros con recetas variadas a base de especies descartadas ou de alto potencial comercial, como son o chicharro, a bertorella ou a boga, representativas de diferentes modalidades de pesca da OPP-07.
Recetas degustación:
Bertorella con crocante de sésamo e maionesa de soia
Bertorella rebozada con maionesa de lima
Chicharro encurtido con escuma de escabeche de Ribeiro e verduriñas
Chicharro mariñado en aceite de aceituna negra de Aragón afumado en madeira de carballo
Arroz cremoso con olga wakeme e espardeñas ou pepino de mar
Ceviche de boga con guacamole
Ceviche de boga con mayonesa cítrica
Esta xornada inclúese dentro do Plan de Produción e Comercialización da Organización de Produtores Pesqueiros de Lugo e vai dirixida a tódolos socios tanto da OPP-07 como de Absa, que tamén colaborou na organización desta cita.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
