O BNG de Foz propón manter o horario habitual da biblioteca municipal

Foz, a 22 de decembro de 2018. Lorena Seivane García e María Teresa Rego Cabanas, como concelleiras do Grupo Municipal do BNG en Foz, ao abeiro da lexislación vixente, presentan para o seu tratamento no vindeiro pleno a seguinte

Manter o horario habitual da biblioteca municipal:

Como xa todos sabemos dende fai meses a biblioteca municipal do noso Concello está cerrada pola tarde, privando así a moita xente do seu uso.
Foron varios os veciños que reclamaron a súa posta en funcionamento normal. Estudantes, traballadores e demais usuarios vense ante a imposibilidade de ir, coma antes, a consultar documentación, ler ou facer uso dos ordenadores, xa que o seu horario impídelles acudir polas mañás.
O peche, en principio casual e temporal, da Salgado Toimil débese á baixa médica da bibliotecaria, mais ao BNG sóalle de novo a unha escusa e a unha nova incompetencia do equipo de goberno, que durante meses obvia esta circunstancia e mira para outro lado, agardando que o problema se solucione só.
Por iso, o grupo municipal do BNG, solicita do Pleno da corporación a adopción do seguinte:

ACORDO

Instar ao equipo de goberno do Concello de Foz:

1. Á inmediata reapertura da biblioteca municipal no seu horario habitual de mañá e tarde.