Foz, 19 de setembro. Nova andanada de demagoxia e paripé no Concello de Foz. O traballo dos veciños no PXOM de Foz foi traizoado despois do pacto do alcalde do PP, delegado en exclusiva de Urbanismo, co PSOE e FPF. Aprobárase inicialmente despois de 11 anos de traballos co voto en contra do BNG polas múltiples irregularidades que inzaron e retrasaron o proxecto. Nisto tamén o PP non ten siquera pudor: con toda incoherencia bloqueara anos antes outros intentos; en 2015, todo foron présas. Este foi o modus operandi do PP, é xa un clásico: apurar os prazos e meter présa aos membros da oposición que se deixan para aprobalo (non atopará aí ao BNG). Lembremos que non quería que entrara en vigor a nova lexislación que seguro tumbaba o proxecto.
Os veciños presentaron alegacións en decembro de 2013 e nembargantes estas si tiveron que esperar. Foi como unha condea: 4 anos e 9 meses sen noticias, sen contestar oficialmente as alegacións. E o PP negándose a facer unha segunda exposición pública. Todo isto co aplauso dos concelleiros do PP, PSOE e FPF. Deron en menos de 9 meses por bo un PXOM no que das 599 alegacións presentadas polos veciños, foron rexeitadas total ou parcialmente 443, un 75%. O BNG xa advertira no seu día que, das rexeitadas polos técnicos, moitas foron amañadas de xeito paralegal entre os que aprobaron o PXOM nunha clara inxustiza (por moito que legal), que supón a indefensión de moitos veciños que non tiveron posibilidade destes arranxos non técnicos. Por riba, hai unha completa e escura (nunca feita pública) listaxe de novas modificacións por mor dos requerimentos feitos durante estes máis de dous anos por distintas administracións (Medio ambiente, Augas de Galiza e a propia Xunta) diante dos numerosísimos defectos de forma do documento completo. Un auténtico e xigantesco Frankenstein inzado de conflictos de intereses e comenencias, moi evidentes e vengonzantes.
Non contentos coa desfeita que suporá para moitos veciños o estado no que deixan as súas propiedades, o PXOM vai a estragar os petos dos veciños: no rural cargaralles a totalidade dos custos de urbanización ou reurbanización, abastecemento ou saneamento, ou dos sistemas xerais e das zonas verdes. O señor Feijoo e a señora Mato poden traer aquí a súa lamentable campaña de “Ruralízate” e dicirlle aos veciños que por riba da ausencia de infraestruturas (desfrutarían das vistas dende o Fiouco, ou seguía pechado?), da depauperación nos servizos de transportes (hai vías pero non trens), sanitarios (hai hospital pero sen persoal), e un longo etcétera, este plan para Foz non ten máis que apaños trapalleiros e interesados e na súa execución representa un saqueo ao conxunto dos veciños de Foz.
Atopámonos coa autocomplacencia e a euforia infantiloide de quen non ten a máis mínima consideración nin proxección da desfeita que vén de artellar. Choverán as denuncias e reclamacións cando os veciños por fin despois de case 5 anos de alegar podan ver o resultado destas componendas impresentables: para algúns será tarde. Despois da sobreactuación do PP que non ten a mínima vergonza co evidente, non temos máis que motivos de pésame, (outros, seguro, estarán quitando a calculadora e preparando os petos). O BNG quere e procurará sempre xustiza, un proxecto urbanístico sostible e racional, e non compadreo indecente entre amigotes. Malos tempos para os decentes.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
