Burela 4-1-19. Neste fogar de acollida aténdese a nenos, nenas e adolescentes que se atopan en situación de garda ou tutela pública pola Xunta de Galicia. O centro ten concertadas 8 prazas co Servizo de Protección de Menores, igual que en anos anteriores, durante o ano 2018 este fogar funcional atendeu a unha media mensual de 11 menores, cunha ocupación media anual do 134% ,en concreto neste ano atendéronse a 17 menores, 14 rapaces e 3 rapazas. Como ven acontecendo nos últimos anos a atención especializada que se presta por un equipo multidisciplinar de profesionais céntrase na atención de adolescentes, 15 dos 17 atendidos contaban con 14 ou máis anos. 6 destes adolescentes foron derivados doutros centros de protección para prestarlles unha intervención máis individualizada e especializada, que evitase a problemática que xa presentaban nestes outros centros.
O obxectivo principal da intervención socio-educativa que estamos a desenrolar con estes menores é a da preparación para a súa autonomía e emancipación, reforzando as intervencións educativas, a autonomía persoal e a preparación para o mundo laboral.
Durante o 2018 seis menores causaron baixa no centro, retornado para o seu domicilio familiar, catro deles por ter xa máis de 18 anos ou estar a piques de cumprilos e poder contar para o seu proceso de emancipación co apoio doutros programas.
Os outros dous retornaron á súa familia por haber mellorado a situación desta.
Actualmente atópanse vivindo 11 menores, 10 deles maiores de 14 anos.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
