Alfoz, 24 de Xaneiro de 2019. Alfoz está de novo esta semana presente na Feria Internacional de Turismo FITUR, seguindo coa campaña de promoción turística “Alfoz, fortaleza entre a serra e o mar”, arroupando a delegación do xeodestino “A Mariña Lucense”, sen dúbida un escaparate ideal para mostrar os recursos turísticos do concello en particular e da comarca en xeral.
Como Dato singular, o concelleiro responsable da Área de Cultura e Turismo de Alfoz, Xabier Pardiñas, e o cónsul de Uzbekistán en Madrid, Sardor Sadikov, reuníronse na embaixada da República de Uzbekistán en España tratando a posibilidade de que unha delegación do país de Asia Central visite A Mariña Lucense. Segundo apunta Xabier Pardiñas “os contactos comezaron o pasado mes de xuño na feira de turismo de Galicia Turexpo cando o propio cónsul visitou o noso stand e posteriormente nun encontro en Madrid por invitación do embaixador”. Nestes encontros, e na propia feira de FITUR, falouse da posibilidade de visitar Galicia a través da participación dunha misión comercial uzbeka que previsiblemente poda realizarse neste mesmo ano, “intentando que dentro destas visitas podan ser recibidos na Mariña para poder promocionar o noso xeodestino” indica Pardiñas.
Uzbekistán, presente en FITUR, é un pais que conta cunha superficie similar a España e cunha poboación de máis de 30 millóns de habitantes. Trátase dunha das economías emerxentes de Asia Central con crecementos anuais de ata o 8% nos últimos tempos. Desde o punto de vista turístico Uzbekistán celebra cada ano a Feira Internacional de Turismo de Tashkent “Turismo na Ruta da Seda” onde promocionan tanto o turismo interior como o internacional.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
