Burela, a 25 de xaneiro de 2018.- O Grupo Municipal Popular de Burela asegurou hoxe que “o alcalde está a incumprir o que el mesmo prometeu no pleno do mes de novembro en relación coa mellora da sinalización de Burela e do Hospital da Mariña na A-8 e na N-642, cando votou en contra dunha moción do Grupo Municipal Popular ao respecto. Naquel pleno anunciou a mellora inmediata da sinalización e fixo referencia á existencia dun compromiso da subdelegada de goberno de Lugo, como responsable na materia e que en poucos días se visualizaría a mellora da sinalización. Pois ben, pasados dous meses, aínda non vimos nada que nos faga pensar que Llano vai cumprir co que dixo, o que non é estraño, porque o alcalde non cumpriu nada do que anunciou durante os últimos catro anos”.
Para os populares, “Llano está instalado no sillón da alcaldía e todo o que sexa moverse do mesmo para xestionar significa esforzo e traballo, algo que o supera, como levamos vendo nestes últimos anos. Debería explicar como os alcaldes de Alfoz e Valadouro xa lle arrancaron un compromiso de mellora da sinalización dos seus concellos á subdelegada do Goberno en Lugo, con foto incluída, e el, que tanto lle gusta saír nas fotos, aínda non foi capaz de facer unha con anuncio semellante para Burela”.
Praza de logopeda do Centro de Atención Temperá
Os edís do PP alégranse do cambio de criterio do alcalde con respecto á cobertura da praza de logopedia do Centro de Atención Temperá, “praza subvencionada ao 90% pola Xunta de Galicia. Convocando o procedemento para a cobertura da praza, o alcalde, indican, está facendo o que o Grupo Municipal do PP lle solicitou no pleno do pasado novembro. É dicir, facer as xestións pertinentes para que a indicada praza estea cuberta todo o ano e non aconteza coma en 2018 no que a praza non se cubriu durante os meses de xullo, agosto e nove días de setembro cando a subvención da Xunta, de máis de 93.000 euros, era para todo o ano”.
Desde o Grupo Municipal Popular lembran que “Llano, no pleno de novembro, votou en contra dunha moción do PP na que se solicitaba precisamente o que agora está a facer. E mesmo de que o centro continuase en Burela e solicitarlle á Xunta que mantivese e mesmo aumentase a subvención. Isto pareceunos inaudito. Ante esta convocatoria de cobertura da praza para doce meses é evidente que Llano só acerta cando rectifica”, conclúen.
“O alcalde está incumprindo o seu compromiso de mellorar a sinalización de Burela na A8 e na N642”, aseguran desde o Grupo Municipal Popular
Relacionado
-
Portos de Galicia completa a tramitación das solicitudes de reversión de terreos en 25 concellos e agarda resposta do Estado
-
O PP cre que os cambios de ideas da alcaldesa sobre a estación de autobuses evidencian que “non ten proxecto serio para Vilalba”
-
Os residentes da Rúa da Fonte de Mondoñedo piden alternativas ao cambio de nome e propoñen outras formas de homenaxear a Xosé Vizoso
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
