Ribadeo, 16 de xaneiro de 2018. O próximo 24 de xaneiro ás 20:00 horas na Delegación da Xunta en Madrid/Casa de Galicia o Concello de Ribadeo en colaboración con Acisa presentará a nivel internacional o seu evento histórico cultural Ribadeo Indiano.
A concelleira de Turismo e Comercio, Ana Martínez, lembrou que “como é sabido, a emigración deixou en Ribadeo unha profunda e visible pegada, palpable por todas as partes: no urbanismo, a innovación empresarial, a transformación agraria, a educación, a cultura, a música, o asociacionismo, a promoción social… Por iso, desde fai cinco anos, o Concello de Ribadeo en colaboración con Acisa vén organizando esa celebración cultural e festiva que ten tres grandes obxectivos: poñer en valor o noso rico legado emigrante; celebrar valores como a integración, a solidariedade, a concordia ou a interculturalidade; e contribuír a que os países de acollida non sexan só lugares onde repouse boa parte da memoria de Galicia senón tamén territorios de futuro, prósperos e útiles para todos/as a través do mutuo intercambio e coñecemento”.
A edil nacionalista sinalou que “conscientes, de que este evento se está a converter nun referente a nivel galego, sendo así, un dos eventos culturais máis relevantes do país en canto a representatividade histórica deste período modernista. E chegados a este momento, é necesario dar un paso máis e promocionar o Ribadeo Indiano a nivel internacional. Así, aproveitando a Feira de Turismo Internacional (FITUR), este evento presentarase nun acto institucional que terá lugar o próximo 24 de xaneiro ás 20:00 horas na Delegación da Xunta en Madrid/Casa de Galicia situada na rúa Casado del Alisal, 8”.
O acto de presentación contará coa participación do delegado da Xunta en Madrid, José Ramón Ónega; o alcalde de Ribadeo, Fernando Suárez; a concelleira de Desenvolvemento Local, Turismo e Comercio, Ana Martínez; e o presidente da Asociación de Comerciantes, Industriais, Servizos e Autónomos, Francisco Iriarte Quintana, entre outras personalidades.
Durante o acto darase a coñecer a nivel internacional o Ribadeo Indiano, así como o seu vídeo promocional para este ano 2019. A presentación poderá seguirse en streaming a traves da páxina de Facebook do Ribadeo Indiano.
O acto pecharase cunha mostra gastronómica a cargo de restaurantes da localidade que foron premiados no Ribadeo de Tapeo 2018: O Piano, que obtivo o premio do público e El Oviedo, un dos gañadores do premio do xurado profesional. A cita estará amenizada cunha actuación musical a cargo da ribadense Carme Rodríguez.
O Concello convida a asistir a esta posta de longo, a todos os ribadenses que viven en Madrid, empresarios vinculados coa localidade, xornalistas e amantes de Ribadeo.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
