Ribadeo, 16 de marzo de 2019. O Partido Popular critica a Concello de Ribadeo por non pagar as subvencións aos clubs deportivos locais desde o ano 2015. Daniel Vega di que “isto é un exemplo da falta de compromiso co deporte local do nacionalista Fernando Suárez e polo tanto ninguén cre a súa promesa electoral de arranxar agora o campo de fútbol municipal”.
Vega explica que “crer no deporte ribadense e apostar por arranxar o campo de fútbol é dicir si a 425.000 euros que lle aporta a Xunta de Galicia ao Concello de Ribadeo. E crer nos deportistas ribadenses é firmar xa ese convenio de 46.256 euros para os equipos de fútbol e que se invistan onde eles estimen oportuno. Polo tanto temos unha partida de 425.000 euros, coa que xa se podía arranxar o campo de fútbol mañá mesmo, e 46.256 euros a maiores. Pero eu tamén lles quero dicir aos ribadenses unha verdade solemne: o campo de fútbol púidose arranxar xa hai 12 anos, os que leva o señor Suárez no goberno deste municipio. E cal foi a posición deste alcalde ante a necesidade de arranxar o campo de fútbol? Pois o Partido Popular presentou durante estes últimos 4 anos mocións practicamente en todos os plenos para arranxar o campo de fútbol, pero o señor Suárez ou non levaba a pleno a moción do Partido Popular ou cando se trataba na sesión votaba que non. Así é como defendía o campo de fútbol, votando que non a mocións para arranxalo. E cando ía esa mesma moción á Deputación que facía o BNG? Votaban que non a arranxar o campo de fútbol de Ribadeo. E o Partido Socialista non se unía ao Partido Popular nesa petición, senón que se unía ao Bloque para non investir no campo de fútbol. E agora, tres meses antes das eleccións, prometen arranxar o campo de fútbol. Pero non vai dar tempo e polo tanto son promesas baleiras, que non se van concretar. E pídolle ao Partido Socialista que explique por que durante estes 12 anos non investiu no campo de fútbol Pepe Barrera, porque votaba non, como o BNG, na Deputación e que explique tamén por que non está orzamentada a partida dos 140.000 euros na Deputación”.
Ademais Daniel Vega reclámalle a Fernando Suárez que pague “as subvencións que lle adebeda o Concello aos clubs deportivos locais pois levan sen cobrar desde o ano 2015 esas axudas municipais. Isto non o digo eu, dío o deporte ribadense. Polo tanto vostede nin xestiona investimentos para Ribadeo nin paga as subvencións do Concello aos equipos ribadenses. Non fai nada, polo que está claro que o tempo de ego Suárez xa rematou”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
