Lugo, 1 de marzo de 2019. A Deputada de Benestar, Sonsoles López Izquierdo, avanzou que “ofertamos a través do Lugo Termal as últimas 296 prazas dispoñibles para os maiores lucenses interesados en acudir aos balnearios da provincia”. Esgotáronse xa, 824 das 1.120 prazas que ofrece o Executivo Provincial con descontos de máis de 60 euros en tratamentos mineromedicinais a maiores de 55 anos, co fin de potenciar o seu benestar social e envellecemento activo, impulsando á vez o turismo termal na provincia.
Nesta convocatoria o Goberno da Deputación decidiu duplicar o número de prazas do Lugo Termal, permitindo ofrecer a máis veciños descontos en tratamentos termais nos Balnearios Termas de Lugo, Augas Santas en Pantón e Río Pambre en Palas de Rei.
No Balneario Termas de Lugo xa non quedan prazas dos paquetes que inclúen estancia e máis tratamentos. As 50 ofertadas esgotáronse. Nesta mesma modalidade quedan dispoñibles soamente 107 prazas no Balneario Augas Santas, das 730 que ofertaba a Deputación, e 97 no Balneario Río Pambre, das 180 que se puxeron a disposición dos maiores lucenses. En total quedan dispoñibles 204 das 960 que oferta a Deputación.
Na segunda das modalidades, a que inclúe tratamentos sen pernocta, quedan dispoñibles 17 prazas no Balneario Augas Santas, 18 no Balneario Río Pambre, Palas de Rei e 57 prazas no Balneario Termas de Lugo. En total quedan dispoñibles 92 das 160 que oferta a Deputación.
As prazas nas dúas modalidades do programa Lugo Termal poden ser solicitadas ata mediados de xuño sempre e cando, non se esgoten antes.
Prazas dispoñibles na modalidade de estancia
– Balneario Termas de Lugo: esgotadas
– Balneario Río Pambre, Palas de Rei: 97 prazas
– Balneario Augas Santas, en Pantón: 107 prazas
Estes paquetes subvencionados nos que se ofrecen descontos consisten en: 6 días e 5 noites, con entrada o domingo e saída o venres, pensión completa, 1 recoñecemento médico, de 15 a 20 técnicas termais e actividades socioculturais. O custo é de 189,50 euros en total, grazas aos descontos que ofrece o Goberno da Deputación.
Prazas dispoñibles na modalidade de tratamentos sen estancia
– Balneario Termas de Lugo: 57 prazas
– Balneario Río Pambre, Palas de Rei: 18 prazas
– Balneario Augas Santas, en Pantón: 17 prazas
Este paquete de prazas subvencionadas sen pernocta inclúe de 30 a 40 técnicas termais durante 10 días, sendo 3 técnicas ao día; e un recoñecemento médico. O prezo neste caso é de 200 euros en total, grazas aos descontos que ofrece o Goberno da Deputación.
Atención especial e acompañantes
Dentro da aposta por unha Deputación social e coas persoas, o Lugo Termal 2018-19 ofrece atención especializada ás persoas con problemas de mobilidade, para garantirlles o acceso e goce dos tratamentos termais; así como programas específicos a persoas con discapacidades física, psíquica ou sensorial.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
