Foz, 16 de abril de 2019. A XVI Ruta das Tapas e a campaña Comercio na rúa son as propostas do Centro Comercial Aberto para esta Semana Santa.
O Comercio na Rúa desenvolverase os días 17, 18 e 20 de abril. Os 25 comercios participantes ofrecerán descontos especiais e instalarán os seus postos na rúa. Desde o CCA advirten que “en caso de mal tempo os establecementos ofrecerán os descontos no interior dos seus locais”.
Os comercios sumados a esta iniciativa son: 5 Lobiños, Alma Libre, Arrullos, Briz Peluquería, Carmen León Zapatería, Chinela Nenos, Chuvia, Decoraciones Pura, Din y Don, Don Zapato, Ginzo Hombre, Ginzo Mujer, Librería Bahía, Longarela, Lourdes Moda Íntima, María Docampo, N1 Deportes, OfiFoz, Sensación Surf, Sueños, Unique-2, Vagaluz, Vas´s, Vas´s Outlet e Xanela. Algún destes establecementos, polas características da súa actividade, ofrecerán os seus descontos no interior do local.
Na campaña organizada polo CCA colaboran o Concello de Foz e a Xunta de Galicia.
E do 18 ao 20 de abril celebrarase en Foz a 16ª Ruta de Tapas, que tamén organiza o Centro Comercial Aberto. Nesta tradicional cita gastronómica participarán 15 establecementos hostaleiros que ofrecerán as súas creacións desta cociña en miniatura en horario de 13 a 15 horas a mediodía e de 20 a 23 horas polas noites.
As tapas desta décimo sexta ruta poderán saborearse en: A Bolera, Aroma Café, Bar 78, Bar O Pelolo, Cafetería Express, Cafetería Happy Days, Cafetería Mayros, Cafetería Pastelería Anduriña, Cafetería Restaurante Xoyma, Espacio Machete, O Muelle Bar, Restaurante Costumes do Mar, Restaurante Dandy, Tangarte Mariñeiro e Tangarte Mesón. O prezo das tapas que se poderán degustar nestes locais será de 2 euros.
O presidente de ACIA/CCA de Foz, José Carlos Paleo, anima “a achegarse a Foz estes días de Semana Santa. Temos varias propostas interesantes tanto no comercio coma na hostalería. Os que nos visiten poden dar un paseo polas nosas rúas nas que atoparán produtos de tempada con descontos moi interesantes e poden saír tamén tomar un aperitivo, a mediodía ou pola noite, acompañado dunha rica e orixinal tapa. Hai que aproveitar estes días de descanso para disfrutar da oferta de ocio coa que contamos en Foz”.
A XVI Ruta das Tapas e a campaña Comercio na rúa son as propostas do Centro Comercial Aberto para esta Semana Santa
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
