Burela, 16 de abril de 2019. A formación nacionalista valora de forma moi positiva o traballo de Pillado nestes catro anos á fronte do grupo municipal. Desde o Consello Local do BNG sinalan que “Pillado liderou o traballo de oposición ao Goberno do PSOE desde o minuto cero da lexislatura, ante un PP carente de ideas e máis preocupado polas liortas internas que polos problemas dos veciños e veciñas”. Nestes 4 anos, foi o grupo municipal do BNG quen trasladou ao pleno os asuntos que realmente preocupaban á veciñanza e neste sentido, Pillado demostrou que é unha persoa na que se pode confiar e que está sobradamente capacitado para levar a cabo un traballo serio e responsábel.
O BNG aposta por Pillado como valor seguro de cara á cita eleitoral de maio e confía en que será quen de gañar as próximas eleccións municipais. O candidato nacionalista estará arroupado por un grupo de mulleres e homes representativos de distintos sectores e con implicación en distintos ámbitos da vida local, desde o mundo asociativo ao deportivo, pasando polo comercio, o ensino ou a sanidade. Nos próximos días, será presentada integramente a candidatura do BNG en Burela.
O candidato nacionalista amósase moi ilusionado e loitará por situar ao BNG á fronte do Concello.
Pola súa banda, Mario Pillado dixo sentirse “moi ilusionado e con moito ánimo para enfrontar as municipais” e que se ve con “posibilidades de situar ao BNG á fronte do próximo goberno Goberno Municipal de Burela”. “Saímos a gañar avalados por estes catro anos de traballo desde a oposición ao Goberno do PSOE, que foi incapaz de levar a cabo ningunha das súas propostas”, indicou o candidato nacionalista.
“Nesta lexlislatura nin se peatonalizou rúa algunha, nin se regulou o mercado semanal, nin se fixo a nova depuradora, nin tampouco se vai facer un pavillón novo, como prometeu o Sr. Llano en repetidas ocasións. Estivemos en todo momento ante un alcalde irresponsábel, que gobernou sen rumbo nestes catro anos de maioría absoluta e que demostrou que só buscaba a foto e o titular. O Sr. Llano non é de fiar, sen esquecermos que semella estar máis preocupado en buscar asento no Senado madrileño que en solucionar os problemas dos burelaos e burelás”, sinalou Pillado.
Fronte á falta de proxecto do PSOE, “o BNG preséntase a estas eleccións cun programa para transformar Burela, un programa con propostas a curto e longo prazo, con ideas e medidas concretas que podan ser levadas a cabo e que redunden nunha mellor calidade de vida dos veciños e veciñas de Burela. Centraremos o noso programa na mellora e abaratamento dos servizos de abastecemento de auga, recollida do lixo e limpeza viaria, na substitución da actual depuradora para un correcto saneamento, na ordenación do tráfico e no modelo de vila que queremos, na necesidade de novas infraestruturas deportivas, no emprego, na mocidade… así como outras medidas que iremos anunciando ao longo das próximas semanas”, adiantou Pillado.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
