Lugo, 3 de abril de 2019. A Deputada de Promoción Económica e Social, Sonsoles López Izquierdo, mantivo un encontro cos usuarios do Centro Ocupacional de ASPANANE (Asociación de Pais de Persoas con Discapacidade Intelectual), no Concello de Viveiro. Xunto coa Directora deste colectivo, Elena Santos, e membros da Asociación, comprobou, de primeira man, os obradoiros e actividades que realizan nun dos centros desta asociación, que atende a un total de 55 usuarios dos Concellos de Ourol, O Vicedo, Viveiro, Xove, Cervo e Foz.
Durante o encontro, López Izquierdo puxo en valor o traballo deste colectivo social sen ánimo de lucro, co que colabora o organismo provincial, posto que “ten un papel fundamental á hora de derrubar barreiras para lograr a igualdade, real e efectiva, das persoas con capacidades diferentes que integran a asociación”.
ASPANANE conta cun equipo formado por 19 profesionais nos dous centros de atención especializada a persoas con discapacidade intelectual: o Centro de Día que conta con 18 usuarios e o Centro Ocupacional, no que prestan atención a 37 persoas. Proximamente, o Concello de Viveiro contará coa única residencia na comarca mariñá para persoas con discapacidade intelectual.
Esta asociación ofrece a veciños con discapacidade intelectual unha atención profesional diaria, tanto aos propios afectados como as súas familias. Neste senso, prestan servizos de asesoramento e información a todas as familias que o necesiten; realizan actividades deportivas como ximnasia; visitas culturais e lúdicas, talleres de tampografía ou obradoiros relacionados co mundo artístico como clases de teatro ou canto, entre outros.
Ademais, as persoas usuarias do Centro Ocupacional conviven en horario de 09:30 a 17:15 horas da tarde e realizan, por grupos, obradoiros de carpintería, serigrafía e cerámica, nos que practican e constrúen mobles, figuras, broches, lámpadas, chaveiros ou traballan realizando impresións en bolsas ou prendas de roupa. Este colectivo social, que conta cun total de 226 socios, trata de integrar socialmente ás persoas con discapacidade intelectual a través de numerosas e diversas actividades.
No Centro de Día realizan talleres de orientación á realidade; estimulación sensorial; de coñecemento das emocións, aprenden a identificar sentimentos e entenderse a si mesmos; ou coñecen o uso de novas tecnoloxías a través de material informático. Nesta liña tamén aprenden, con diferentes actividades, a realizar tarefas por si mesmos, o que lles permite ser máis autónomos no seu día a día.
ASPANANE
A Asociación ASPANANE de Viveiro foi constituída e rexistrada no ano 1.981 por pais de persoas con discapacidade intelectual da Comarca da Mariña. O principal obxectivo que persegue é o de acadar a plena integración na sociedade, das persoas con capacidades diferentes que integran este colectivo, mellorando a súa calidade de vida e a das súas familias.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
