Cervo, 17 de abril de 2019. O alcalde de Cervo, Alfonso Villares, e a edil de Cultura, Dolores García Caramés, presentaron o programa da Semana Santa do municipio.
O Venres Santo, 19 de abril, o actor galego Pepo Suevos traerá un dos seus monólogos ao auditorio de San Cibrao, será as 19:30 horas.
Xa o sábado, 20 de abril, haberá un gran tributo a Joaquín Sabina, será ás 20:00 horas, tamén no auditorio da Casa da Cultura.
O domingo 21 será a asociación de veciños do Burgo de Trasbar a que celebrará a Festa de Pascua que terá lugar na chaira do local social. Ás 13:30 horas está prevista a actuación de “Dambara”, logo haberá misa, e xantar ás 15:00 horas.
A delegación de educación tamén programou diversas actividades para as crianzas e a mocidade. O xoves 18 haberá un taller infantil de mandalas, dirixido a pequenos/as de 3 anos en diante; será ás 11:00 horas no Ecomuseo de Cervo; e ás 12:00 horas dese mesmo día e na mesma ubicación, haberá un taller infantil sobre ciencia para nenos/nas a partir de 7 anos.
O venres, 19 de abril, o Ecomuseo de Cervo acollerá unha actuación de monicreques desde as 12:30 horas.
O sábado, 20 de abril, a mañá estará dedicada aos xogos populares, cunha actividade que terá lugar no Ecomuseo de Cervo, desde as 12:30 horas.
O público xuvenil tamén se tivo moi en conta á hora de elaborar a programación con actividades novidosas para a mocidade, deste xeito o mércores, 17 de abril, haberá un Escape Room na Casa da Cultura, a partir das 16:30 horas. Trátase dun xogo de aventura físico e mental no que os xogadores deberán solucionar enigmas para conseguir saír da habitación antes de que remate o tempo.
O cine tamén terá o seu oco especial nesta Semana Santa en Cervo. O mércores 17 poderase ver a película “El Gran Hotel Budapest”, ás 20:00 horas, no auditorio da Casa da Cultura.
Progamas Cervo Concilia e Enredos de Semana Santa
Como vén sendo habitual durante as vacacións escolares, a delegación de Educación programa unha nova edición de Cervo Concilia e dos Enredos de Semana Santa, para favorecer a conciliación das familias nestas datas de lecer.
Desenvolveranse o días 15, 16 e 17 de abril, na Casa do Mar e no Ecomuseo de Cervo. No Caso do programa Cervo Concilia, en horario de 9:00 a 14:30 horas; e nos Enredos de Semana Santa en horario de 12:30 a 14:00 horas, en ámbolos dous casos dirixidos ás crianzas de entre 3 e 12 anos.
Villares e Caramés destacaron que “se traballou na programación dunha axenda completa e variada coa que pretendemos chegar a todos os públicos, para que a veciñanza e as persoas que nos visitanten poidan gozar de actividades de ocio ao longo de todo esta período de lecer, e tamén co obxectivo de facilitarles ás familias do
municipio diferentes alternativas para conciliar, na medida do posible, a vida familiar e laboral neste días festivos”.
Música, humor, cine, xogos populares ou actividades novidosas para a mocidade conforman o programa da Semana Santa do Concello de Cervo
Relacionado
-
“Xove, sen pediatra e sen unha solución á vista”: o PSdeG alerta de que a saúde da infancia non pode esperar
-
Aberto o prazo de inscrición para participar no Mercado de Nadal de Ribadeo
-
A sexta Feira do Cabalo de Lourenzá ofrecerá este domingo unha programación completa para público de todas as idades
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
