Ribadeo, 5 de abril de 2019. O candidato do Partido Popular á Alcaldía de Ribadeo, Daniel Vega, aposta pola elaborar un plan de arranxo de estradas serio e planificado, non de última hora.
Daniel Vega explica que “o Partido Popular comprométese a poñer en marcha un plan de arranxo de estradas na zona rural. Vemos necesario un traballo previo de planificación porque deste xeito conseguiremos un resultado moito máis eficaz, pois se hai coordinación entre os veciños e o goberno, entre os responsables municipais e as parroquias, imos coordinar moito mellor un orzamento propio do Concello e tamén doutras administracións. Xestionar o plan Marco, da Xunta de Galicia, e o plan Único, da Deputación, significa investir máis nas nosas estradas”.
O alcaldable do PP en Ribadeo engade que “nestes momentos todos podemos observar que a estrada Reme-Vilamar tivo un arranxo moi importante, cun orzamento de 780.489 euros. Eu canto cheguei ao Parlamento de Galicia foi a primeira cousa que lle reivindiquei ao goberno galego, que investira no noso concello para mellorar esta estrada, que comunica aos concellos de Trabada, Lourenzá e Barreiros co de Ribadeo e vertebra todas as parroquias da zona rural interior do municipio ribadense. Isto é algo moi importante para o rural porque mellores infraestruturas significa máis e mellor rural”.
Vega remata comentando: “nós imos traballar cun orzamento propio do Concello e xestionando investimentos doutras administracións, pero sobre todo de maneira coordinada con cada parroquia. Porque nestes últimos días vemos que o goberno do señor Suárez quere resolver a última hora o que non fixo durante 12 anos”.
O candidato do Partido Popular á Alcaldía de Ribadeo, Daniel Vega, aposta pola elaborar un plan de arranxo de estradas serio e planificado, non de última hora
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comezou este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
