Foz, 9 de abril de 2019. O IES de Foz recibe este mércores a visita dun distribuidor alemán de peixe fresco, Marcus Lind, acompañado do prestixioso chef coreano Song Lee, que fará unha demostración de elaboración de sushi con produtos da lonxa de Burela, a través de Pescados Orol. O inicio da actividade está previsto para as 11:00 horas.
Por medio da empresa burelesa Pescados Orol, unha misión comercial inversa dun distribuidor alemán de peixe fresco visita A Mariña para coñecer o proceso de elaboración do produto. O distribuidor Marcus Lind, especializado en produto delicatesen estará acompañado dun experto en tratamento de pescado, o chef coreano Song Lee, con experiencia en prestixiosos restaurantes de Berlín, que realizará no IES de Foz unha demostración de elaboración de sushi con produtos da lonxa de Burela. Está actividades está dirixida ao alumnado do primeiro curso do Ciclo Superior de Dirección de Cociña, ao do primeiro curso do Ciclo Medio de Cociña e a profesorado do centro focense.
Ademais alumnado do IES de Foz realizará diversas preparacións con peixe típicas de Galicia para darllas a coñecer a estes visitantes.
Á actividade contará coa asistencia de representantes de Pescados Orol.
ÚLTIMA HORA
- A Banda Municipal de Música de Ribadeo estará acompaña por gaitas no concerto do Día da Patria que ofrecerá o día 25 de xullo
- O Trofeo Concello de Vilalba 2026 enfrontará ao Deportivo e ao Lugo o 29 de xullo
- A Policía Local de Burela incorpora a primeira muller do corpo e reforza o cadro con tres axentes máis
- Ribadeo saca a licitación por 320.000 euros a lavandería e a cociña do Hospital Asilo
- O inglés tamén forma parte do verán en Cervo Concilia
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua. - RegalXunqueira presenta “A beleza da diversidade”, unha exposición fotográfica de Alén Espiña Otero
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo. - Sargadelos incorpora Burelarte e amplía a súa capacidade produtiva
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita. - O Festival Aires do Masma celebra a súa XXV edición, cumprindo cuarto século de divulgación da cultura galega a través da música e do baile tradicional
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz. - Con outra Voz, o magazine de fin de semana de RadioVoz, que se emite sábados e domingos para toda Galicia, fíxose este 11 de xullo desde o Ribadeo Indiano
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo. - A pista ecuestre da Bidueira de Cervo foi escenario este sábado dunha magnífica xornada coa celebración da III Carreira de Andadura, que reuniu a numerosos participantes e afeccionados ao mundo ecuestre
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición. - A conselleira de Medio Rural en Ribadeo
María José Gómez, participou este sábado nos actos de celebración do XI Ribadeo Indiano.
2021 Crónica 3 A Mariña - Implementado por GaliciaDigital