Foz, 24 de abril de 2019. O presidente do Partido Popular de Foz, Javier Jorge Castiñeira, proba con documentos que o PSOE ten unha débeda co Concello polo subministro de auga, lixo e saneamento. Castiñeira manifesta que os propios socialistas admiten esa débeda e incluso piden o fraccionamento do pago. Por esta razón o presidente do PP en Foz solicita ao PSOE que pague a totalidade da débeda e pida perdón á persoa directamente afectada por este impago, a todos os veciños de Foz e ao PP.
Javier Castiñeira declara: “como presidente do Partido Popular de Foz véxome obrigado a saír á palestra con referencia ao asunto de que o Partido Socialista ten débedas co Concello de Foz, que nós denunciamos nestes últimos días. Poñemos en papel as probas de que o Partido Socialista admite esa débeda, propón incluso ao Concello pagala de forma parcial e ademais abonar só a parte que non prescribiu, co cal nós tampouco estamos de acordo porque eu creo que un partido que foi goberno no seu momento e que lle esixe aos veciños que cumpran coa legalidade debe pagar a totalidade desa débeda e non só o que non prescribiu”.
Castiñeira engade que “os informes de Intervención son claros, din que o Partido Socialista non cumpriu coas súas obrigas cando foi inquilino e cando comprou ese local no ano 2005. Polo tanto está claro que o Partido Socialista, que sempre fala dos informes de Intervención, con estas probas non debe máis que pedir perdón a ese terceiro que foi afectado. Ademais debe pagar a débeda íntegra, pedir perdón tamén aos veciños de Foz por non cumprir cos seus compromisos como veciños, e por suposto tamén agora pedirlle perdón ao Partido Popular por negar as acusacións que son completamente verídicas”.
O presidente do PP en Foz dille ao PSOE que “cando fala de cloacas eu entendo que fala das cloacas dos últimos dezaseis anos nos que estiveron no goberno municipal, e proba disto é este expediente que non se dignaron nin a pagar nin a resolver; dá a entender que esta xente facía o que quería no Concello. Polo tanto, señores socialistas, leccións de honorabilidade ao Partido Popular de Foz ningunha”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
