Ribadeo, 27 de maio de 2019. Está aberto o prazo de inscrición nas Escolas Deportivas Municipais de Verán, organizadas pola Concellaría de Deportes de Ribadeo. As actividades están dirixidas a nenos e nenas de 8 anos en diante, terán preferencia os empadroados/as ou escolarizados/as en Ribadeo e as prazas cubriranse por rigorosa orde de inscrición. As persoas interesadas poden obter máis información na oficina da área de Deportes en Casa da Xuventude na rúa Antonio Otero-15, ou no teléfono 982 129 889.
Estas escolas ofertan as modalidades de pesca deportiva, surf, piragüismo, remo e rugbi praia.
En surf hai 20 prazas. Esta actividade comezará o 7 de xuño e desenvolverase en xuño, os martes e venres de 16:00 a 18:00 horas e do 1 ao 5 de xullo de luns a venres, de 16:00 a 18:00 horas.
En pesca deportiva a oferta é de 20 prazas e terá lugar os días 1, 2, 3, 5, 8, 10, 12, 16, 19, 22, 24 e 26 de xullo de 10:00 a 14:00 horas.
En piragüismo hai 20 prazas, a presentación será o 27 de xuño ás 16:30 horas e desenvolverase esta actividade nos meses de xullo e agosto. En xullo terá lugar os días 1, 4, 15, 18, 22 e 29 e en agosto o 1, 5, 12, 15, 19, 22, 26 e 29 de 16:00 a 19:00 horas.
En rugbi praia haberá 30 prazas e desenvolverase en xullo do 17 ao 28 de luns a venres entre as 10:00 e as 14:00 horas.
E en remo ofértanse 30 prazas. Esta escola terá lugar no mes de setembro, os luns, martes, xoves e venres de 19:00 a 21:00 horas e os sábados de 10:00 a 12:30 horas.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
