Cervo, 12 de maio de 2019. Máis de 170 veciños e veciñas participaron este mediodía nun xantar en apoio ao candidato á Alcaldía de Cervo polo Partido Popular, Alfonso Villares.
Na súa intervención, Villares subliñou que “nos presentamos ante a veciñanza con máis ilusión que nunca, con humildade e co aval do traballo feito para tentar volver contar unha vez máis coa confianza das/dos cervenses”.
O candidato á Alcaldía polo PP destacou algunhas das liñas de traballo impulsadas nestes anos “co incremento das oportunidades laborais con un dos principais obxectivos”
Así, lembrou que neste tempo “abrimos o Centro de Día Residencia, que supuxo a creación de máis de trinta novos postos de traballo estable; creamos o Centro de Emprendemento de Sargadelos no que xa se puxeron en marcha diferentes actividades; baixamos unha serie de impostos ás empresas condicionado á creación de emprego que favoreceu que a piscifactoría instalada no Polígono de Cuíña realizase un investimento de máis de 15 millóns de euros que suporá a creación de máis de 30 novos empregos; sen esquecernos das bolsas de formación remuneradas para a mocidade”.
Así mesmo, Villares puxo tamén en valor a “aposta pola xestión directa dos servizos que impulsamos desde que chegamos ao Goberno”; citando prestacións como o saneamento, a Escola Infantil, a Piscina ou o servizo de Axuda no Fogar, que son totalmente públicos.
O candidato á Alcadía precisou que baixo o lema “Cervo Crece” queremos presentarlle á veciñanza todo aquello que fixemos con ese obxectivo, que Cervo Creza; e con ese propósito tamén tentaremos obter de novo o apoio das/dos cervenses, “coas nosas forzas renovadas para continuar nesa senda do crecemento e seguir avanzando nos próximos anos”.
Villares presenta un equipo integrado na súa totalidade por veciñas e veciños do municipio, e residentes no noso Concello “coñecedores, pois, en primeira persoa, das necesidades da veciñanza; e con moita ilusión, ideas e proxectos de futuro para os vindeiros anos”.
Dolores García Caramés (número 2), Mali Méndez (número 3), David Rodríguez (número 4), Alfredo Fernández “Fero” (número 5), Denise Galán (número 6), Pilar Armada (número 7) Plácido Pérez (número 8), Antonio Basanta (número 9), Sabela Rivas (número 10), José Antonio Gallego (número 11), Mª Carmen Fernández (número 12), Diego Campo (Número 13), Yolanda Pedreira (número 14), Inés Cobas (número 15) e José Manuel Balseiro (número 16).
Alfonso Villares: “presentámonos ante a veciñanza co aval do traballo feito, con humildade e co obxectivo de que Cervo siga crecendo”
Relacionado
-
O PP de Foz denuncia que o Concello actuou tarde e critica o abandono das estradas e do alcantarillado
-
A Interfederativa de Confrarías analiza en Foz a sustentabilidade e rendibilidade da pesca artesanal
-
Educación reprocha ao Goberno central e ao Concello de Burela a falta de apoio nas obras dos centros educativos
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
