Burela, 8 de maio de 2019.- A subdelegada do Goberno, Isabel Rodríguez, e o alcalde de Burela, Alfredo Llano, copresidiron este mércores a Xunta Local de Seguridade na que se analizou a evolución da delincuencia neste concello e se tratou dos dispositivos de seguridade para os eventos festivos que se celebrarán durante o verán. Ademais da subdelegada do Goberno e o alcalde, na xuntanza, que se celebrou esta mañá na Casa do Concello, participaron na reunión representantes da Garda Civil e o Subsector de Tráfico, da Policía Autonómica e da Policía Local.
En canto á evolución da delincuencia no que vai de ano, Isabel Rodríguez informou de que, de acordo cos datos oficiais da Garda Civil, no primeiro trimestre de 2019 rexistráronse 4 denuncias menos por infraccións penais en Burela que nos mesmos meses do ano pasado.
Concretamente, de xaneiro a marzo desde ano denunciáronse 47 infraccións penais, 22 delas por delitos graves ou menos graves e 25 por delitos leves.
Esta cifra supón unha diminución do 7,84% respecto ao mesmo período do ano anterior, xa que nos tres primeiros meses de 2018 denunciáranse 51 infraccións penais.
Tamén destacou o feito de que aumentou 7 puntos a eficacia da Garda Civil de Burela, pois o número de infraccións esclarecidas pasou do 33% ao 40%, xa que no primeiro trimestre deste ano resolvéronse 19 dos 47 delitos coñecidos mentres que nos mesmos meses do ano pasado foran resoltos 17 de 51.
Entre xaneiro e marzo, a Garda Civil de Burela detivo 12 persoas e investigou outras 10. No primeiro trimestre de 2018 foron detidas 4 persoas e investigadas 7.
ANO 2018
A subdelegada do Goberno detallou ademais que a taxa de criminalidade de Burela no ano 2018 foi do 22,16, lixeiramente inferior á da provincia de Lugo, que se situou en 22,5 e moi inferior ás de Galicia (28,9) e de España (45,6).
No conxunto do ano 2018 rexistráronse 212 infraccións penais no concello de Burela, das que 83 foron graves e menos graves e 129 delitos leves.
VIOLENCIA DE XÉNERO
Outro aspecto que analizou a Xunta Local de Seguridade foi a incidencia neste Concello da violencia de xénero. No que levamos de 2019, entre os meses de xaneiro e abril, rexistráronse 7 denuncias por violencia de xénero. En todo o ano 2018 computáronse 27 denuncias por este motivo e en 2017 a cifra fora de 18.
PLANS DE SEGURIDADE
A Xunta Local de Seguridade de Burela tamén pasou revista aos distintos plans operativos da Secretaría de Estado de Seguridade, como son o Plan Director para a Convivencia e mellora da seguridade escolar nos Centros educativos e o Plan Maior de Seguridade.
A subdelegada do Goberno destacou que no que vai deste curso académico, a Garda Civil impartiu 11 charlas e ten outras 2 pendentes de realizar, con data xa fixada, sobre temas como os riscos na Internet e as novas tecnoloxías, acoso escolar, violencia de xénero ou drogas e alcohol.
Ademais destas charlas impartidas a alumnos dos IES Perdouro e Monte Castelo e o CEIP Virxe do Carme, a Garda Civil tamén realizou unha conferencia para a AMPA do CEIP Virxe do Carme sobre alcohol e outras drogas, na que se fixo especial fincapé nas novas adiccións que supoñen un risco para os mozos como son os videoxogos e as apostas en rede.
OPERATIVOS PARA AS FESTAS
Na xuntanza, tamén se estudaron os dispositivos de seguridade que se porán en marcha en Burela con motivo dos distintos eventos festivos que se celebrarán neste concello durante o verán, que atraen a gran número de persoas, tanto veciños como turistas e visitantes para disfrutar da oferta festiva, gastronómica e musical.
Concretamente, tratouse dos dispositivos de seguridade para as festas patronais, a festa Castrexa, a romaría do Monte Castelo, a Feira do Bonito e o Festival da Osa do Mar.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
