Ribadeo 13-5-19. 9 de maio Día de Europa, unha data que ven celebrándose desde fai varios cursos no IES RIBADEO DIONISIO GAMALLO, e que este ano ademais conta coa subvención europea do proxecto ERASMUS+. Nesta mesma data no ano 1950 o ministro de Exteriores francés Robert Schumann convocou á prensa no Salón do Reloxo do Ministerio de Asuntos Exteriores para facer unha declaración importante; o seu discurso sería a semente do que actualmente coñecemos como Unión Europea, e unha das ideas fundamentais da súa Declaración pasaría a formar parte significativa das nosas leccións de vida: “A paz mundial só pode salvagardarse mediante esforzos creadores proporcionados aos perigos que a ameazan”.
Quixemos celebrar de forma especial esta data e planificamos unha saída ata León, cidade que a UNESCO recoñece como o berce do parlamentarismo xa que foi na colexiata de san Isidoro onde se discutiron e redactaron os Decreta no 1188. Hoxe podemos dicir que temos dado un paso firme na procura dun mundo mellor co concepto de Unión Europea e todas as garantías de dereito que supón esta idea.
O alumnado percorreu parte deste camiño social e político a través de distintas actividades no propio centro durante a mañá coa proxección de vídeos e traballos realizados na materia de Europa desde a súa incorporación ao curriculo de bacharelato no ano 2015. Xa pola tarde emprenderon rumbo á capital leonesa onde visitaron o palacio Conde Luna e a real colexiata de san Isidoro como os lugares emblemáticos da orixe europea, pero tamén tiveron tempo de visitar o Museo de Arte Contemporáneo, a catedral e a casa Botines deseñada por Gaudí e fixeron un percorrido guiado polo seu centro histórico. Xa de volta na mañá do sábado visitaron Astorga e Ponferrada e regresaron a Ribadeo.
Estas actividades do DÍA DE EUROPA veranse completadas ata finais de curso con conferencias e charlas sobre a actualidade europea. Tamén durante o mes de xuño abriremos as nosas portas a unha exposición histórica sobre aspectos relevantes da última contenda mundial e sobre os que concretaremos datos e eventos a finais de maio.
Día de Europa no IES Ribadeo Dionisio Gamallo
Relacionado
-
O PP de Foz denuncia que o Concello actuou tarde e critica o abandono das estradas e do alcantarillado
-
A Interfederativa de Confrarías analiza en Foz a sustentabilidade e rendibilidade da pesca artesanal
-
Educación reprocha ao Goberno central e ao Concello de Burela a falta de apoio nas obras dos centros educativos
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
