Ribadeo 14-5-19. A semana pasada a Xunta de Goberno do Concello de Ribadeo aprobou definitivamente o convenio de cesión a Paisajes de Asturias do 21 % deste inmoble que é propiedade do concello a cambio de que esta empresa ceda un edificio restaurado na Praza de Abaixo que sería destinado a Xuzgado de Paz.
Os nosos comentarios son os seguintes:
1.- O convenio non foi publicitado polo concello en nengún momento da negociación e permanece no segredo dos despachos sen negunha posibilidade de participación ou opinión por parte da veciñanza. O secretismo abarca tamén ás negociacións e propostas de ambalas duas partes e tampouco se coñecen posibeis xestións diante de outras administración ou entidades que puideran estar interesadas.
2.- Pesie a elo temos algunhas informacións, que transmitimos ás ribadenses:
O 21 % do concello foi tasado en 180.000 euros, cantidade que nos parece ridícula tendo en conta que a valoración das obras acometidas en anos anteriores, por medio de subvencións ou aportacions do concello ronda os 600.000 euros (dato absolutamente fiable). Esto significa que os 420.000 euros de diferencia (cartos públicos) quedarían a fondo perdido para a empresa devandita.
Non está redactado un proxecto técnico de restauración polo tanto é imposible saber o que ten pensado facer a empresa adxudicataria. Descoñécese tamén se existe un prazo de execución da restauración pero ao non haber proxecto técnico sería unha simple estimación pouco creible. O mesmo se pode decir dos custes da restauración. Todos eles datos decisivos para a viabilidade do proxecto.
3.- Sen entrar a facer nengún tipo de valoración é doado constatar que a empresa devandita leva uns doce anos restaurando o Pazo de Trenor nas Figueiras e ainda non ten nengún tipo de actividade, o mesmo que as Torres de Donlebún. Tampouco se sabe nada de cando se van rematar as obras da Casa dos Perecitos nen do cine Colón. En outros edificios da mesma empresa ainda non se iniciaron as obras.
En resumen, dende o noso ponto de vista, o convenio devandito ten moi poucas posibilidades de facerse realidade, o concello lávase as mans e quítase o problema de enriba sen negunha garantía de execución, os que veñan detrás veranse metidos nunha lameira administrativa e a torre seguirá deteriorándose cas consecuencias que todos coñecemos.
Lamentamos profundamente que este asunto se puxese de actualidade en plena campaña das elecciós municipais, pero resulta obvio non temos nengunha responsabilidade.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
