Ribadeo, 9 de maio de 2019. O concelleiro de Economía e Medio Rural, Vicente Castro, subliña que no Concello de Ribadeo nin se anuncian nin se fan obras sen contar coa correspondente partida presupostaria e puntualiza que, grazas á situación económica actual do Concello e aos remanentes tesourería, foi posible realizar obras nos anos 2018 e 2019, e agarda que tamén nos vindeiros. Así responde ás críticas vertidas nas últimas horas desde o PP. Sobre o plan de arranxo de camiños, que daba a coñecer hai uns días o alcalde, Castro dixo que eses 575.000 euros de investimento proveñen de fondos propios e do Plan Único da Deputación. O concelleiro nacionalista dille a Daniel Vega que se non sabe, pregunte.
Vicente Castro manifestou que “vivimos tempos convulsos e tempos electorais que trastornan moito á xente e son moi tendentes a declaracións fora de lugar e fora de ton. Saíndo ao paso das manifestacións realizadas estes días por Daniel Vega, candidato do PP, referentes á financiación do plan de obras para o rural anunciado polo alcalde de Ribadeo, quería aclararlle certas cousas”.
O concelleiro de Economía e Medio Rural dixo que “no Concello de Ribadeo nin se anuncian nin se fan obras sen a correspondente financiación, é evidente. Se agora se están a facer e se fixeron un montón de obras é precisamente grazas á situación económica do Concello e a facer as cousas ben nos últimos anos. Contamos con remanentes de tesourería que non puidemos utilizar anteriormente ao ano 2018, e que nestes anos 2018 e 2019, e esperemos que posteriormente nos seguintes, se poidan seguir utilizando para realizar inversións no concello”.
O edil ribadense puntualizou que “o plan anunciado polo alcalde para infraestruturas no rural e ao que se refería Daniel Vega, e que ascende a 575.000 euros, xa lle aclaro que está financiado con 340.000 euros con cargo a fondos propios do Concello e 235.000 euros con cargo ao Plan Único da Deputación, que é para todos os Concellos tamén. Por suposto non recibe nin un so euro de ningún plan marco nin ningún plan da Xunta. Polo tanto teñen a correspondente e clarísima financiación, e probablemente aínda se poida facer un segundo plan no que queda de ano”.
Vicente Castro engadiu: “dito isto, espero que lle queden claras as dúbidas ao señor Vega e se non sabe que pregunte. No Concello pásanlle a información correspondente de todo, ademais sae nos medios, está na rede e os expedientes administrativos están a disposición de todo o mundo. Se ten algunha dúbida máis pódolla aclarar eu persoalmente cando queira”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
