Viveiro, 9 de maio de 2019.- O delegado territorial da Xunta en Lugo, José Manuel Balseiro, mantivo un encontro con representantes da Confraría de Pescadores de Celeiro, -entre eles o patrón maior da localidade Domingo Seijas-, na que lles informou que a Consellería de Infraestruturas e Mobilidade vén rematar a elaboración do proxecto técnico para a ampliación da estación depuradora da localidade. Os traballos suporán un investimento total de preto de catro millóns de euros (3,9 millóns de euros) e contan cun prazo de execución estimado de 18 meses.
Incorpora as augas residuais procedentes de Celeiro
A ampliación da EDAR permitirá tratar a totalidade dos caudais de augas residuais xerados no municipio, incorporando os procedentes da rede de Celeiro, á vez que se dá solución aos problemas detectados na actual planta pois a capacidade de depuración real era menor da prevista. As novas instalacións soportarán un caudal punta de ata 800 metros cúbicos por hora.
O delegado explicou que o Concello de Viveiro xa ten copia deste proxecto técnico e están á espera de que complete unha serie de documentación requirida para poder continuar coa tramitación. A intención da administración autonómica é iniciar o proceso de licitación da obra tan pronto como o Concello responda a este requirimento e remita a información municipal solicitada.
Melloras técnicas substanciais
O proxecto non se limita a deseñar a ampliación da estación depuradora aproveitando os espazos dispoñibles no seu emprazamento actual, senón que tamén incorpora un novo sistema de pretratamento de auga e terciario (desinfección por cloración), unha terceira balsa, mediante un tanque de formigón armado de 3.890 metros cadrados co correspondente bombeo asociado, e outras melloras técnicas para a purga de fangos no baleirado dos tanques ou para evitar o paso de flotantes.
Tamén están incluídas as correspondentes conexións mediante unha nova impulsión desde Celeiro ata a descarga na estación depuradora e unha futura conexión co tanque de tormentas de Celeiro, así como obras complementarias como as de urbanización da parcela con novas vías con asfalto bituminoso en quente e recollida de augas pluviais, así como zonas axardinadas e a anulación das instalacións de pretratamento que na actualidade están en uso en Celeiro.
As obras darán servizo a unha poboación equivalente de 15.500 habitantes para o horizonte do ano 2042 pero, atendendo á presenza de industrias conserveiras conectadas á rede, así como o incremento do poboación durante o verán, a capacidade real é incluso maior, de 23.764 habitantes equivalentes.
Esta actuación hidráulica da Xunta estará confinanciada pola Unión Europea a través do Fondo Europeo de Desenvolvemento Rexional (FEDER) nun 80%, no marco do programa operativo Feder Galicia 2014-2020.
Competencia municipal
Balseiro lembra que tanto a titularidade da estación depuradora como a competencia en materia de abastecemento e saneamento é municipal, con todo, o propio Concello recoñecía que non tiña a capacidade para acometer as melloras necesarias nestas instalacións polo que a Xunta, na aplicación da súa función de colaboración cos concellos, comprometeuse a prestar a colaboración técnica e económica que hoxe se materializa a través deste proxecto.
Finalmente o delegado salienta que a mellora do sistema de tratamento de auga non só permitirá que Viveiro atenda os compromisos da esixente normativa ambiental europea, senón tamén que as augas vertidas cumpran cos máximos estándares de calidade ambiental, co consecuente beneficio para as condicións do sector pesqueiro da zona.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
