Viveiro 14-5-19. Temos convocadas concentracións para os vindeiros martes 14 – 21 – 28 de maio dende as 14:15 ata as 15:30 horas. Despois do comunicado á empresa o 30 de abril, no que se expoñían unha serie de consideracións do persoal en relación coa situación laboral, a empresa convocounos a unha reunión o pasado 8 de maio, que se pode resumir:
Nós acudimos á reunión pensando que as mobilizacións terían feito reflexionar algo á Dirección, e que a ía poñer solución reais enriba da mesa.
Mais, pola contra, a postura segue, polo de agora inamovible e o único punto que entraron a tratar era que nos aviñésemos a asinar as carteleiras do ano 2019, ollo DE TODO O ANO 2019. E os acordos acadados o día 07/02/2019 en materia de cambios de quenda irían condicionados a esa sinatura.
E, por qué dende o comité nos negamos a asinar ditas carteleiras?
1.- Porque xa consta en acta que a asemblea de traballadoras deu conformidade a prorrogar as carteleiras do 2018. Polo tanto mentres non se negocien unas novas, esas están plenamente en vigor e non entendemos que haxa que poñer por escrito o mesmo dúas veces. Por qué ese interese por parte da empresa…?
2.- Porque o día 20 de xuño vaise celebrar o xuízo do Conflito colectivo referente a descansos e compensación de festivos. En función do resultado do mesmo as carteleiras poden variar substancialmente. Polo tanto que sentido ten asinar a estas alturas unhas carteleiras que nun mes poden quedar obsoletas? Acaso a empresa quere “curarse en saúde” e ter unas carteleiras asinadas para TODO O ANO para que o resultado do xuízo non altere ditas carteleiras?
En todo caso, e en aras de normalizar o clima de traballo e de distender as relacións coa dirección fixemos unha proposta: nós non temos problema en asinar as carteleiras prorrogadas do 2018 como carteleiras para o ano 2019 ( se así o ratifica o persoal en asemblea) sempre e cando se poña no acordo unha cláusula de que estas serán revisables e se terán que adecuar ao resolto en dito conflito colectivo.
Dita proposta non foi aceptada de momento xa que os representantes da empresa alegaron non estar en disposición de aceptala sen consultar aos seus superiores polo que quedamos á espera da resposta.
O persoal do xeriátrico de Viveiro (DOMUSVI) continúa coas concentracións de protesta polos calendarios impostos pola empresa
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
