A Mariña, 27 de xuño de 2019. A Federación de Comercio A Mariña fai unha valoración positiva da campaña Desvirtualízate, que se desenvolveu durante o presente mes de xuño co obxectivo de darlle unha maior visibilidade e de poñer en valor o comercio local.
O presidente da FCAM, José Carlos Paleo, subliña que “esta campaña foi moi completa. Nas redes sociais recibiu máis de 1.000 visitas diarias, estivemos presentes na prensa, en vallas publicitarias, na radio e na televisión, coa intención de concienciar á poboación da importancia que ten facer as compras no comercio dos nosos pobos. Sen os pequenos negocios as vilas non existen e a vida nos pobos tampouco”.
Paleo engade que “o balance desta campaña, coa que quixemos darlle importancia ao comercio local, é positiva porque chegamos a moita máis xente que noutras ocasións. Incrementamos a nosa visibilidade a través dos diferentes formatos empregados e iso é importante”.
Rebaixas
Na xuntanza que onte mantivo a directiva da FCAM tamén se falou das rebaixas de verán que dan comezo estes días: “estamos a repartir cartelería gratis entre os nosos asociados e asociadas para que poidan anunciar nos seus negocios que están de rebaixas e para facelo dun xeito uniforme. E tamén queremos animar á clientela a que siga apostando por facer as súas compras, tamén en rebaixas, no comercio local. Na Mariña temos unha oferta moi variada e podemos atopar de todo”.
Sorteos
A vindeira campaña da FCAM terá lugar nos meses de outubro e novembro. Nesas datas serán os 8 sorteos de miles de euros en vales de compra nas vilas que contan con Acias que forman parte da FCAM, tal e como veu sucedendo nos últimos anos: Ribadeo, Foz, Burela, Xove, Viveiro, Celeiro, O Vicedo e Lourenzá.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
