A Mariña, 19 de xuño de 2019. Onte, martes, finalizaron os dous cursos de formación gratuíta ofrecidos pola Mancomunidade de Concellos da Mariña Lucense baixo o convenio asinado coa Axencia de Turismo de Galicia, e dirixida nesta ocasión aos distintos axentes turísticos do territorio e ao persoal de cociña, en activo ou desempregados vinculados ao sector, coa finalidade de mellorar a atención en inglés e a oferta gastronómica apostando polo produto local. Foron os docentes de Hostelería e o departamento de Inglés do IES de Foz os encargados de transmitir o coñecemento e experiencia aos asistentes.
Dende a Mancomunidade consideran que “a formación é un factor determinante na actividade do sector hostaleiro e turístico en xeral. Con estas actividades formativas pretendeuse dotar aos establecementos de restauración das ferramentas, métodos e información necesarias para adecuarse ás condicións cambiantes do mercado actual así como para mellorar a súa competitividade”.
O Taller de Inglés básico para axentes turísticos, que tiña por obxectivo favorecer unha mellora na atención do cliente estranxeiro, foi impartido en Viveiro e Foz, localidade esta última na que foi realizada unha segunda edición ante a demanda recibida. En total, participaron 26 axentes do sector turístico, principalmente dos ámbitos do aloxamento e a restauración, mais tamén doutros sectores relacionados coa actividade como comercio, taxis, Policía Local e información turística.
O Curso práctico para a mellora da oferta gastronómica en produto local, que tiña por obxectivo o fortalecemento e aposta polo produto local como elemento diferenciador da gastronomía do territorio, chegou a un total de dez persoas ligadas a establecementos de hostalaría procedentes basicamente de concellos da Mariña Central e Oriental. As persoas asistentes valoraron moi positivamente esta acción formativa.
Os participantes nos dous cursos, que demandan a continuidade deste tipo de accións cunha maior duración, valoraron positivamente o horario, a localización, as aulas e materiais empregados nas distintas clases impartidas, a implicación da Mancomunidade, da organización e do profesorado así como o nivel de aprendizaxe e utilidade do mesmo.
As accións formativas tiveron unha boa acollida entre as persoas participantes, que as valoraron positivamente e amosaron o seu interese en continuar formándose.
No 2019, a Mancomunidade da Mariña Lucense ten previsto convocar novos cursos para hostalería, e para iso as persoas interesadas poderán suxerir tamén algún tema ou curso do seu interese escribindo un correo a turismo@amariñalucense.gal.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
