Ribadeo, 8 de xullo de 2019. A Concellaría de Cultura desta o notable éxito de ventas e a alta participación rexistradas na sexta feira ribadense do libro Letras no Campo que rematou onte. Pilar Otero aclara que unha libraría, pola súa conta e risco e sen comunicalo á organización, convidou ao autor de Oubiña, toda la verdad.
A edil de Cultura manifestou: “desde a Concellaría de Cultura do Concello de Ribadeo queremos salientar que un ano máis celebrouse a feira do libro con notable éxito de ventas e unha alta participación nos actos de presentación de libros e actuacións que acompañaron o desenvolvemento desta edición de Letras no Campo. VI Feira ribadense do libro. A programación feita está ao alcance de todos e así a mostramos aos medios de comunicación e ao público en xeral ao longo destes días”.
Pilar Otero subliñou que “nesa programación ben se pode comprobar que autoras e autores estaban convidados a participar, mesmo se pode comprobar que algunhas librarías tamén convidaron a algúns autores e autoras a asinar exemplares nas súas casetas. É esta unha práctica que se veu realizando desde hai un par de anos. A organización deste encontro literario considerou oportuno permitir este tipo de actos sempre e cando non interferiran coa marcha da feira e sendo previamente comunicada á organización”.
A concelleira ribadense engadiu que “no programa desta edición numero seis pódese comprobar que dúas librarías convidaron a senllas autoras para asinaren exemplares o sábado seis de xullo. Unha desas librarías optou, a maiores, por convidar ao autor de Oubiña, toda la verdad o domingo sete, sen comunicalo previamente á organización. Foi a Libraría Vivín quen, pola súa conta e risco, convidou a este autor sen comunicalo previamente, actuando de xeito totalmente desleal coa organización e coas demais librarías participantes nesta feira do libro”.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
