Ribadeo, 24 de xullo de 2019.- Os consignatarios do porto comercial de Mirasol, en coordinación cos distintos servizos da Xunta de Galicia, levan semanas traballando cunha empresa de control de pragas ao obxecto de avaliar e aplicar distintos tratamentos nos espazos portuarios.
Nun primeiro momento identificaron o insecto causante, que é unha mosca de substrato, da familia Sciaridae, dípteros con alas, de entre 2 e 4 milímetros, que non supoñen un problema de saúde pública pero si causan molestias, en especial as vivendas e establecementos da contarna.
A empresa encargada dos traballos aclara que non foi posible identificar que a madeira acumulada fora o foco da praga, aínda que o sistema de almacenamento si pode ser, polas características de humidade, un espazo óptimo para a súa alimentación e reprodución.
Como consecuencia desta avaliación inicial procedeuse a aplicar varios tratamentos de control despois dos que xa se ten constado unha redución importante da poboación de moscas. A previsión é realizar inspeccións constantes para evitar a reinfestación da zona.
Desde a administración autonómica explican que se autorizou a aplicación dun tratamento para o control do ciclo reprodutivo destes insectos, que ofrece totais garantías para o medio acuático próximo, e maior seguridade para o medio ambiente, as persoas e a madeira.
A aplicación dos tratamentos realizouse tanto nos espazos á intemperie como na zona do almacén cuberto. Non obstante, continúan realizando avaliacións periódicas dirixidas a completar o seguimento da praga, previstas durante as próximas semanas.
Finalmente, desde a Xunta de Galicia lamentan que o Concello de Ribadeo siga unha estratexia dirixida a botar balóns fóra en relación con esta praga e insisten en que dado que non está identificado o foco emisor, sería importante, por non dicir imprescindible, que o Concello aplicase tratamentos similares en zonas da súa competencia.
De feito, espazos con augas estancadas e sumidoiros, por ser ambientes húmidos e escuros, son ámbitos ideais para a crianza e alimentación das moscas e das súas larvas e sobre os mesmos sería preciso aplicar os correspondentes tratamentos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
