Viveiro, 12 de xullo de 2019. Óscar Rodríguez, concelleiro do Partido Popular, adoita facer referencia ao seu talante de consenso e á súa preocupación buscando en todo momento o mellor para Viveiro, polo que quero solicitarlle que se aplique esa premisa a si mesmo e que lla faga entender aos responsables da Xunta de Galicia, pois cada vez que veñen a Viveiro parece que nos visitan como un órgano do Partido Popular, sen invitar nin avisar ao equipo de goberno e ao resto de partidos políticos.
Hoxe estivo en Viveiro a Conselleira de Infraestruturas e Mobilidade e non houbo comunicación oficial ao respecto, como tampouco adoita habela cando vén o Delegado da Xunta en Lugo, pois unicamente nos avisan en contadas ocasións cando se fai imprescindible.
Na Xunta de Galicia deben entender que houbo unhas eleccións municipais e que os veciñas e veciñas de Viveiro decidiron que gobernásemos nós. O amor por Viveiro debe demostrarse, en primeiro lugar, mediante o respecto institucional que este equipo de goberno e a corporación municipal merecen, pois non creo que o voceiro do grupo popular poida considerar correcto que veña o delegado territorial e que se avise unicamente aos concelleiros do Partido Popular, sen avisar á Alcaldía, nin ao equipo de goberno, nin aos demais concelleiros da corporación, que tamén representan aos veciños e veciñas de Viveiro.
Cando algún representante da Xunta de Galicia se despraza a un concello gobernado polo Partido Popular, ese Alcalde ou Alcaldesa é invitado ao acto en cuestión e comparecen xuntos; iso é o mesmo que nós pedimos, pois a Xunta de Galicia non representa ao PP, representa a todos os galegos e galegas, aos que os votan e aos que non, e todos os alcaldesas e alcaldesas, todos os equipos de goberno e corporacións municipais merecemos o mesmo tratamento e respecto.
Por todo isto, gustaríame que o talante que tanto predica Óscar Rodríguez e as súas manifestacións referidas ao moito que quere a Viveiro sexan empregados para conseguir o respecto que, en primeiro lugar, se lle debe ao equipo de goberno e ao resto da corporación, elixidos polos veciños e veciñas.
Estamos encantado con calquera inversión que se realice en Viveiro e alegrámonos das obras que se viñeron anunciar hoxe, pois a estación de autobuses de Viveiro necesita un mellora, ten moitos anos e precisa unha actuación, pero creo que a Alcaldesa e os concelleiros debíamos ter coñecemento destas obras en primeira persoa e non a través dos medios de comunicación
A Alcaldesa-Presidenta,
María Loureiro García
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
