Ourense, 16 de xullo de 2019-. A Consellería de Medio Ambiente, Territorio e Vivenda vén de pechar o contrato polo que se redactarán oito Plans Básicos Municipais dos concellos de Cartelle, Padrenda, Porqueira, San Xoán de Río, Ribeira de Piquín, Riotorto, Trabada e Triacastela. A directora xeral de Ordenación do Territorio e Urbanismo, Encarnación Rivas Díaz, presidiu esta mañá unha reunión entre representantes das administracións locais e os equipos redactores, co fin de coordinar os traballos de redacción desta figura que xa recolle a Lei do solo.
Explicou que se trata dunha ferramenta impulsada pola Consellería de Medio Ambiente, Territorio e Vivenda e pensada para os concellos de menos de 5.000 habitantes que non contan con planeamento xeral.
Encarnación Rivas sinalou que estes concellos- xunto co do Páramo- serán os primeiros municipios en contar con este instrumento de planeamento, pois as empresas dispoñen dun prazo de dez meses para redactar ditos plans básicos municipais, que se basearán no traballo piloto que leva a cabo a Consellería para a tramitación do PBM do Páramo..
O Plan Básico Municipal dotará aos concellos galegos (de menos de 5.000 habitantes) dun instrumento urbanístico básico que lles permitirá ofrecer unha capacidade de acollida residencial e económica que dea resposta ao desenvolvemento elemental dunha certa actividade urbanística, pero sen establecer criterios de crecemento urbano.
Rivas Díaz engadiu que o PBM dotará a ditos concellos dunha ordenación básica, cuxa formulación, tramitación e aprobación corresponde á Comunidade Autónoma, en colaboración e coa participación dos concellos, e que estará vixente ata que xurdan iniciativas ou razóns determinantes dunha maior complexidade urbanística que aconsellen a formulación dun plan xeral de ordenación municipal polo respectivo municipio.
A directora xeral explicou que en Galicia hai 49 municipios que poderían beneficiarse dos Plans Básicos Municipais, pero un ducia dos mesmos teñen a redacción do seu plan xeral moi avanzada, polo que se considera coherente continuar coa mesma. En definitiva son 37 concellos galegos susceptibles de dotarse dun PBM, polo que a Consellería licitou os traballos para a redacción dos primeiros nove concellos; mentres que os 28 restantes quedarán para unha segunda fase. Non obstante, aclarou que este mesmo ano se darán os primeiros pasos dos seus PBM, pois se realizarán os voos para a cartografía correspondente.
A directora xeral trasladou que esta é unha boa nova para os case 40 concellos galegos, xa que moitos deles na actualidade se rexe por unhas normas provinciais de planeamento, aprobadas na década dos 90.
Por último, Encarnación Rivas sinalou que o Goberno galego leva unha década traballando para dotar a Galicia cun novo e moderno marco normativo en materia de urbanismo; cun obxectivo moi claro: ningún concellos sen Pxom. Hoxe xa son máis de cen os concellos que contan con plan xeral adaptado e acorde á normativa vixente e, ao longo desta década, tamén se puxeron en marcha figuras como as Directrices de Ordenación do Territorio, o Plan de Ordenación do Litoral, a Estratexia da Paisaxe Galega e o Plan Básico Autonómico, que entrou en vigor en outubro do pasado ano e que substitúe ás normas complementarias e subsidiarias de planeamento provinciais.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
