Alfoz, 24 de xullo, 2019. Os populares de Alfoz denuncian o “total abandono” no que o Goberno local mantén a piscina, os parques e as áreas recreativas do municipio. “É lamentable o estado no que se atopan, precisamente, agora no verán cando máis uso se fai delas e os nenos e nenas ocupan estas zonas diariamente”, manifestan.
Precisamente, os concelleiros do Partido Popular en Alfoz explican que “xa houbo dúas festas ao lado do parque de López Palmeiro” e, a pesar diso, “a zona segue sen rozar dende antes do verán e conta con herba e maleza que invade zonas de paso”. Os populares lamentan, polo tanto, o estado da zona a poucos días de celebrarse a festa anual no lugar.
Así mesmo, critican que “despois das anteriores celebracións o lixo siga sen recoller” e, como consecuencia diso, remate tamén “entre os elementos do parque infantil. Ao perigo que supón o mobiliario oxidado, hai que engadir a presenza de cristais e outros residuos nos lugares máis concorridos polos nenos e nenas agora no verán”.
Para os concelleiros do PP no municipio esta ausencia de actuacións denota “un gran abandono” e demostra “unha falta de consideración aos veciños e veciñas”. Lamentan, dende o Grupo Municipal Popular, que “o Goberno local presuma do remanente económico nas arcas municipais, pero non se empregue ese diñeiro para manter en bo estado de conservación o material propiedade do Concello”.
“Falta de previsión e xestión”
Dende o Grupo Municipal do PP lamentan a “absoluta falta de previsión e xestión ás que, por outra banda, xa nos ten acostumado o Goberno do PSOE. É incrible que non sexan capaces de xestionar a limpeza destas zonas”, consideran. Aos populares preocúpalles que “a falta de limpeza poida supoñer problemas para os usuarios e usuarias dos parques e áreas recreativas, así coma aos da piscina municipal”.
A piscina, en mal estado de conservación
Os populares lembran que “a piscina municipal leva case un mes aberta ao público”; pero “tamén presenta un total estado de deixadez”. As instalacións presentan un mal estado de conservación e, polo tanto, un aspecto descoidado: as paredes presentan humidades no interior e polo exterior hai zonas nas que non dispoñen de pintura. “Incluso as tubaxes están oxidadas”, engaden.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
