Burela, 18 de xullo, 2019. A Organización de Produtores Pesqueiros de Lugo organizou, en colaboración con Armadores de Burela, un obradoiro sobre a eficiencia enerxética nos buques pesqueiros. A xornada tivo lugar durante a mañá do xoves 18 de xullo no salón de actos de ABSA, no porto de Burela.
O xerente da OPP-07, Sergio López, e o xefe territorial da Consellería do Mar, Pablo Fdez. Asensio, abriron a xornada. Según Sergio López “organízase este obradoiro para estudar a mellora na estrutura dos custes de explotación do barco. Se o custe de persoal varía de media entre o 35 e 50%, segundo as modalidades pesca, está claro que reducir os consumos é un obxectivo prioritario dos nosos socios”.
Pablo Fernández explicou as liñas de axudas que ofrece a Xunta de Galicia
para a eficiencia enerxética, así como a Regla N+3 prevista no Fondo Europeo Marítimo e de Pesca, ademais de poñer a disposición dos armadores os servizos da Consellería do Mar para estudar a subvencionalidade das súas posibles inversións de mellora.
A continuación comenzou o primeiro bloque de ponencias, adicado á
EFICIENCIA ENERXÉTICA NOS BUQUES PESQUEIROS, no que José Ramón Antón, da Inxeniería Naval Faustino Carceller presentou unha “Introducción á eficiencia enerxética no deseño dos novos buques pesqueiros” e realizou unha “Análise de diferentes sistemas de propulsión”. Para Antón “o obxectivo xeral é buscar o aforro en combustible, tanto para reducir gases contaminantes como os custes de explotación. Os custes de inversión son maiores inicialmente, pero o aforro e beneficio, tanto ambiental como económico, lógrase a medio e longo prazo”.
Pola súa parte, Adrián Sarasquete, xerente e director técnico da firma Vicus Desarrollos Tecnolóxicos, presentou “Melloras na Hidrodinámica: formas e apéndices. Propulsores e timóns adaptados ao deseño do buque”, expoñendo os beneficios da análise hidrodinámica en canto á propulsión e comportamento do buque no mar. Sarasquete, que amosou exemplos de tecnoloxía segundo as distintas modalidades pesca, defendeu que “unha mala decisión por abaratar a inversión pode supoñer un custe moito maior ao longo de toda a vida do buque”.
Tra-la pausa de media mañá comenzou o segundo bloque da xornada, adicado á TECNOLOXÍA E MANTEMENTOS dos buques. José Luis Fernández e Martín Queijas, de Cofrico, presentaron “Cofriview 365, eficiencia enerxética e mantemento predictivo”. Para José Luis Fernández “hai un cambio do modelo de negocio con respecto ao mantemento, que pasou de ser correctivo a predictivo: antes todo se facía presencial cando agora ata o 70% do traballo se realiza xa vía online”. A eficiencia enerxética significa minimizar o cambio climático e promover a instalación de gases refrixerantes naturais para lograr uns consumos adaptados.
Para finalizar a xornada, Carlos Groba, responsable da Área TIC de Marine
Instruments, presentou “Tecnoloxías innovadoras para unha pesca eficiente e
sostible”, defendendo que coa axuda do software pódense conseguir aforros
importantes para unha pesca eficiente e sostible debido á importante redución de rutas.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
