A Mariña, 1 de xullo de 2019. As xornadas de portas abertas ás Rutas de Artesanía da Mancomunidade de Concellos da Mariña rematarán o vindeiro sábado, 6 de xullo, en Foz. Esta pasada fin de semana foi a quenda de Viveiro e Burela. Estas accións realízanse no marco do convenio firmado coa Axencia de Turismo de Galicia.
Esta iniciativa lévase a cabo con motivo da edición da nova guía sobre as Rutas de Artesanía que a Mancomunidade de Concellos da Mariña Lucense presentou o pasado día 14 de xuño. No novo material informativo, que está dispoñible na páxina web e nas oficinas de turismo da comarca, proponse ao visitante coñecer a riqueza patrimonial, natural e gastronómica a través da proximidade e sabedoría dos artesáns da Mariña Lucense, principais protagonistas desta iniciativa. A nova proposta consta dunha serie de itinerarios nos que o visitante pode adentrarse no oficio do artesán e disfrutar dos valores naturais, culturais e gastronómicos da localidade onde se ubican e da súa contorna próxima.
As xornadas de portas abertas das Rutas de Artesanía da Mariña Lucense teñen por finalidade dar a coñecer con actividades gratuítas para o público xeral esta iniciativa. As xornadas, que deron comezo o domingo 16 de xuño en Cervo, continuaron esta pasada fin de semana en Viveiro coa visita aos ceramistas Otero Regal e Miriam Viveiro cunha visita guiada polo centro histórico e en Burela coa visita ás redeiras e ao barco museo Reina del Carmen. Nas xornadas participaron un total de 31 persoas de distintas procedencias, Asturias, Madrid, Lugo, Vigo e da propia comarca da Mariña Lucense. Os participantes trasladaron a súa satisfacción á organización polo positivo da iniciativa, xa que da man dos artesáns puideron coñecer en detalle e dunha forma interactiva e amena a historia que hai detrás de cada un deles e o proceso de traballo en Regal, Miriam Viveiro e as redeiras. Ademais da visita guiada ao centro histórico de Viveiro, coa que puideron coñecer datos e anécdotas da historia da cidade do Landro, tamén se mergullaron na cultura mariñeira subindo ao barco museo boniteiro Reina del Carmen.
As xornadas rematan este sábado, día 6, cunha nova data en Foz coa visita á Basílica de San Martiño de Mondoñedo e a Caxigueiro e o seu Espazo Caritel.
Para participar é preciso reservar en turismo@amarinalucense.gal ou no teléfono 654 089 894
A continuación os horarios aproximados en Foz:
Foz 06-07
Basílica de San Martiño de Mondoñedo 10:30 – 11:30
Caxigueiro – Espazo Caritel 12:00 – 13:30-14:00 horas aprox.
As xornadas de portas abertas ás Rutas de Artesanía da Mancomunidade de Concellos da Mariña rematarán o vindeiro sábado, 6 de xullo, en Foz
Relacionado
-
Ribadeo acollerá a presentación de Hostelería #PorElClima, iniciativa para reducir a pegada de carbono no sector
-
Portos de Galicia investirá 80.000 euros na renovación da cuberta dos departamentos de armadores de Burela
-
Veciños da Avenida de América de Ribadeo crean un colectivo para defender os seus dereitos ante as obras do Concello
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
