Ribadeo, 29 de agosto de 2019. Segue a celebrarse en Ribadeo o VIII Fórum de Innovación e Formación sobre Vehículos no que están a participar ata mañá máis de 80 persoas. Esta tarde terá lugar a asemblea xeral da Asociación de Profesores de Automoción de Galicia (APAGA) na que se abordarán cuestións como un proxecto a desenvolver en Mauritania, as fins de semana tecnolóxicas que se desenvolverán proximamente, o incremento das cotas dos asociados e o informe económico de 2018. APAGA continuará coas súas accións formativas en países como Alemaña, Suecia, Turquia, Croacia ou Francia aos que viaxarán un total de 44 profesores. Tamén dentro dunhas semanas chegarán a Ribadeo profesores lituanos e en marzo haberá un grupo de alumnos dese país que farán prácticas durante un mes en empresas da zona.
O presidente de APAGA, Álvaro Doural, contou que “a asemblea de hoxe de APAGA se vai centrar no informe económico de 2018 porque o peche contable está feito, e ata finais de decembro non se pechará o de 2019. Tamén falaremos sobre a programación de cursos dos sábados que se van facer. Tamén vai haber unha proposta de subida de cotas de 30 a 50 euros anuais e vaise volver sobre o tema dos proxectos europeos que neste momento se van poñer en marcha. E hai outra proposta, que a ver que opinan os socios, sobre a incorporación a un proxecto en África, en Mauritania, arredor da formación profesional”.
Nas últimas horas tamén se presentaba no Fórum, que se celebra en Ribadeo, o vindeiro proxecto Erasmus+ no que participará APAGA. O seu presidente anunciou que “van participar sobre 44 profesores, que son as prazas que hai, para o 2020. É un proxecto que aínda que empeza en 2019, as saídas de profesores van ser de marzo a xuño do vindeiro ano. Os países a visitar van ser Alemaña, Suecia, Turquía, Croacia, República Checa, Lituania, Italia, Francia e Eslovaquia”.
Álvaro Doural manifestou que “a nosa vontade é seguir colaborando en iniciativas doutros países. Precisamente agora, en outubro e novembro, van visitarnos profesores de Lituania, e despois en marzo vai haber un grupo de alumnos de Lituania facendo prácticas que van estar un mes en empresas da zona. Isto independentemente doutras accións que poidan saír ao longo de 2020. A nosa vontade é colaborar cos nosos socios europeos, eu creo que o camiño debe ser ese”.
Hoxe no VIII Fórum de Innovación e Formación sobre Vehículos abórdanse as últimas novidades en transmisións, a xestión dos pneumáticos usados e a tecnoloxía do autobús urbano. Ademais seguen a desenvolverse diversos talleres.
Apaga analiza na súa asemblea xeral a posible incorporación a un proxecto en Mauritania arredor da FP e a programación das fins de semana tecnolóxicas que se desenvolverán ao longo dos vindeiros meses
Relacionado
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
