Ribadeo, 7 de agosto de 2019. A concelleira do Grupo Municipal Popular de Ribadeo responsable de Turismo, Begoña Sanjurjo, lamenta que “o albergue de peregrinos de Vilela se atope pechado a mediados do verán cando se rexistra un maior fluxo de camiñantes que demandan este tipo de servizo”. Polo tanto, Sanjurjo demanda ao Goberno ribadense que “poña en marcha o albergue de Vilela, de titularidade e xestión municipal, que dispón de 24 prazas”.
Sanjurjo explica que “precisamente a gran cantidade de peregrinos que pasa por Ribadeo no verán require tamén dunha gran cantidade de prazas nos albergues para aloxar aos que fan uso do Camiño polo noso municipio”. Deste xeito, os populares acusan ao Goberno local do BNG de “abocar aos peregrinos a facer uso dos albergues privados cando contamos cunha infraestrutura perfectamente dotada e que serviría para incrementar o número de prazas de aloxamento no municipio, pero á que non se lle da uso”.
A popular defende que “os albergues públicos e os privados son perfectamente compatibles porque a demanda aumenta no verán”. Igualmente, “dende as institucións públicas tamén debemos apoiar os recursos turísticos como é o Camiño Norte ofrecendo os servizos que demandan os peregrinos”. E, nese sentido, convida ao Concello a potenciar o Camiño coa prestación de diversos servizos porque “é unha maneira de dinamizar e mellorar o turismo e tamén o noso rural”.
Iniciativas para a mellora do Camiño Norte
A popular engade que “dende o Grupo Municipal Popular cremos importante todas as iniciativas contra a violencia machista e, polo tanto, tamén aquelas que supoñan mellorar a seguridade das mulleres no Camiño Norte; pero pedímoslle ao Goberno ribadense máis actividades e servizos en torno a esta ruta xacobea”.
Sanjurjo cre que “o Goberno local tamén ten nas súas mans ofrecer outros servizos aos peregrinos que complementen a oferta existente e que fagan de Ribadeo un lugar aínda máis atractivo para peregrinos e visitantes”. Cita, por exemplo, “a contratación de guías turísticos que expliquen, entre outros recursos, as pinturas da igrexa da Ponte.
A Xunta de Galicia, entre outras iniciativas, contribúe a potenciar o Camiño Norte ao seu paso por Ribadeo co impulso de obradoiros de emprego que, ademais de ofrecer formación e mellorar a empregabilidade de persoas no paro, axudan a mellorar espazos ribadenses polos que discorre esta ruta cara a Santiago. “Os alumnos e alumnas dun dos dous obradoiros que se desenvolveron en Ribadeo co financiamento do Goberno galego, o denominado ‘Ribadeo no Camiño’, realizaron obras de acondicionamento da área recreativa da Palmeira en Ove, crearon unha área recreativa en Vilela e acondicionaron a contorna da ruta; ademais de actuar concretamente na área recreativa da Capela do Carme de Vilela e no espazo da Fonte en San Vicente – Covelas-; entre outras actuacións no ámbito cultural”, conclúen.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
