Ribadeo é un municipio de recoñecido atractivo turístico; pero esta fin de semana viuno incrementado aínda máis coa celebración de dúas senlleiras citas do verán na Mariña: a Festa do Percebe de Rinlo que alcanzou este ano a súa décimo sexta edición e a Xira de Santa Cruz, festa declarada de interese turístico galego.
Ningunha das citas sería posible sen o traballo dos colectivos que organizan estas festas nas que participan veciños e visitantes. É o esforzo e o traballo constante dos colectivos ribadenses os que fan máis grande a Ribadeo.
A Asociación Amigos da Gaita, que nacía en xullo de 1962 da man dos irmáns Carlos e Amando Suárez Couto arroupados por un grupo de amigos, continúa a día de hoxe co obxectivo de honrar á gaita galega, un instrumento que forma parte da identidade de Galicia. Non só coa organización da Xira de Santa Cruz, senón que Amigos da Gaita traballa ao longo do ano na defensa da nosa cultura ensinando aos máis novos e novas distintos aspectos da música tradicional tal e como demostraron o sábado nos actos que acompañan ao pregón. Cabe, polo tanto, recoñecer a dedicación desta asociación tan vinculada a Ribadeo, así coma a das persoas que a constitúen, por ter contribuído á posta en valor da música e o baile tradicional e por ofrecer formación ás novas xeracións interesadas en coñecela máis de preto.
O Día da Gaita, co recoñecemento de interese turístico galego, consolídase como unha festa de todos e todas. Ao monte de Santa Cruz, unha atalaia desde a que se divisa toda a bisbarra e onde se sitúa un monumento ao Gaiteiro que é único en Galicia, acoden cada primeiro domingo de agosto as familias ribadenses contribuíndo a manter unha tradición de 54 anos.
Son tamén os mariscadores e mariscadoras da Confraría de Pescadores de Ribadeo os que fan posible que cada ano se celebre a Festa do Percebe que, este ano, volveu ser un éxito ao lograr esgotar as 3.500 racións dun crustáceo que os percebeiros extraen da costa ribadense nunha mostra dun heroico labor.
Ademais de exaltar a calidade deste produto gastronómico da costa ribadense, a Festa do Percebe serve para que se fale de Ribadeo e os produtos do mar procedentes dun emblemático pobo mariñeiro onde se sitúa un dos portos máis antigos de Galicia como é Rinlo.
Esta fin de semana puidemos comprobar, así, como a colaboración institucional e cos distintos colectivos e entidades locais da os seus froitos. Fronte a persoas que entorpecen proxectos beneficiosos para Ribadeo e se negan a aceptar a colaboración da Xunta, o Goberno galego apoia, por exemplo, a Romaría de Santa Cruz e a Festa do Percebe ás que achega 8.000 euros e 4.800 euros, respectivamente.
Seguiremos traballando e colaborando para que Ribadeo medre.
“Entre todos, facemos grande Ribadeo”, Por Daniel Vega, voceiro do Grupo Municipal do PP de Ribadeo e deputado no Parlamento galego
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.