Ribadeo, 22 de agosto de 2019. A exposición de fotografía submarina Ribadeo, o que a ría esconde, que ocupou as salas do forte de San Damián desde o 3 ata o 18 de agosto de 2019, trasladouse á sala de exposicións do Real Club Náutico de Ribadeo, onde permanecerá ata o 15 de setembro en horario de apertura das instalacións do Club.
Pilar Otero, a concelleira de Cultura, explica que “este traslado vén motivado polo enorme éxito acadado, xa que cerca de 3.000 persoas puideron gozar desta primeira exposición fotográfica de temática de patrimonio cultural subacuático galego, neste caso da ría de Ribadeo, e co ánimo de responder á grande demanda do público”.
A edil ribadense di: “desde o Concello de Ribadeo convidamos a seguir visitando nas instalacións do Club Náutico esta mostra que destaca polo seu valor histórico-arqueolóxico e que nos amosa a variedade e riqueza das cerámicas atopadas, datadas desde o século XVI. Este feito dá conta das vizosas relacións comerciais dun porto importantísimo, vinculado con destinos tan distantes como Gran Bretaña, Flandres ou Alemaña”.
Otero engadiu que “neste novo emprazamento tamén se pode seguir visionando o documental no que se explica a importancia e o valor dos restos e no que se pode admirar o patrimonio arqueolóxico subacuático”.
Máis de 3.000 persoas visitaron no forte de San Damián a exposición Ribadeo, o que a ría esconde. A mostra poderá verse ata o 15 de setembro no Real Club Náutico
Relacionado
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
