Burela, 25 de agosto, 2019. O Parrulo, rival do Pescados Rubén Burela FS para mañá no peche do Burela Bonita, levou a segunda cita do torneo fronte ao titánico Palma Futsal (3-2).
O exburelista Hélder deulles a vantaxe aos parrulos, de estratexia, no minuto 9; os de Héctor Souto souberon frear o Palma para manter a súa vantaxe. A Xoia Laranxa evitou o empate balear despexando de cabeza, tras o descanso, no minuto 24, pero tamén foi precisamente a súa expulsión, tras ver a segunda amarela, a que propiciou o 1-1, no 27, con finalización de Catela, en superioridade.
En tan só un minuto e logo de dúas grandísimas accións de Barrón, O Parrulo puido volver poñer terra por medio, grazas ao balón parado, con Saura, no 33, e Isma, no 34. Chemi, ao chan, evitou o segundo dos de Vadillo, en tentativa de Mati Rosa, no 37. Foi entón cando o Palma apostou por xogo de cinco, con Eloy Rojas. Isma e Chemi aliáronse para frear as embestidas rivais. A 45 segundos para a bucina final, Eloy Rojas sorprendeu cun mísil, de lonxe, co definitivo 3-2.
Duelo xuvenil para o Palma
Os insulares volveron impoñerse en categoría xuvenil, con vitoria 4-0 sobre os de Ferrol.
Xornada solidaria contra o Cancro
Os anfitrions volverán ao parqué mañá para medirse aos ferroláns, ás 17.30 horas en xuvenil e 20.30 en sénior. Será unha xornada solidaria, coa recadación da taquilla, ademais de Fila 0, destinada integramente para a Asociación Española contra o Cancro, Asociación Esperanza de Burela e ANPA Ceip Vista Alegre.
Prezos
Menores de 18 anos: Gratuíto
Entrada diaria: 5 euros/adult@
*Acceso GRATUÍTO a partidos de categoría xuvenil
Ficha técnica
O Parrulo FS: Illi, Isma, Miguel, Diego Núñez, Caeiro, cinco inicial; tamén xogaron Saura, Rahali, Hélder, Raúl, Kevin, Chemi
Palma Futsal: Nico Sarmiento, Hamza, Catela, Mati Rosa, Rafa López, cinco inicial; tamén xogaron Joao, Eloy Rojas, Ximbinha, Tomaz, Raúl Campos, Lolo, D. Quintela, Diego Nunes, C. Barrón
Goles: 1-0, minuto 9, Hélder; 1-1, minuto, Catela; 2-1, minuto 33, Saura; 3-1, minuto 34, Isma; 3-2, minuto 40, Eloy Rojas
Árbitros: Menéndez Nistal // Darriba Villamor. Polo Parrulo dobre amarela para Hélder. Por Palma, amarela a Hamza, Ximbinha
Incidencias: Segunda xornada do Torneo Burela Bonita 2019, que contou coa presenza no palco de autoridades do seleccionador nacional, Fede Vidal, do vicepresidente da RFGF, Pablo Prieto, do xefe de Deportes da Xunta de Galicia en Lugo, Manuel Otero, e do alcalde de Burela, Alfredo Llano, entre outros. Miquel Jaume, presidente do Palma, José Naveira, secretario do Parrulo, e Manuel Blanco, presidente do Pescados Rubén, recibiron o detalle do Torneo Burela Bonita de mans de rexedor burelao.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
