Lugo, 4 de setembro de 2019. A subdelegada do Goberno, Isabel Rodríguez, felicitouse hoxe porque no primeiro semestre de 2019 a provincia de Lugo mellorou os niveis de seguridade, segundo reflicten os datos do Balance de Criminalidade publicado polo Gabinete de Coordinación e Estudos da Secretaría de Estado de Seguridade do Ministerio do Interior. A subdelegada tamén agradeceu o esforzo continuado das forzas e corpos de seguridade e a súa eficacia para garantir a seguridade dos lucenses
Dacordo con este informe, Lugo continúa a ser a provincia galega con mellora taxa de criminalidade e ademais, no primeiro semestre de 2019 diminuiron un 0,4% as infraccións penais rexistradas na provincia respecto do mesmo período do ano anterior.
En canto á taxa de criminalidade, entre xaneiro e xuño Galicia mantívose como a cuarta Comunidade Autónoma máis segura de España e Lugo, con 22,8 infraccións penais por cada mil habitantes, tivo as mellores taxas de Galicia. A continuación figuran Ourense (25,8), Pontevedra (30,9) e A Coruña (32,1).
Nos seis primeiros meses do ano, rexistráronse na provincia de Lugo 3.478 infraccións penais, 13 menos que no mesmo período de 2018. A subdelegada destacou que descenderon todos os delitos relacionados con roubos. Así, baixaron un 33,9% os roubos con violencia e intimidación (39), un 24,7% os roubos con forza en domicilios, establecementos e outras instalacións (213) e, en concreto, os roubos con forza en domicilios (132) baixaron un 33%. En canto aos furtos, o descenso foi do 4,2%.
Isabel Rodríguez lamentou que aumentaron, en cambio, os delitos relacionados coa liberdade e indemnidade sexual, que experimentaron un incremento do 23,85% no primeiro semestre deste ano ao rexistrarse 26 delitos destas características na provincia. A subdelegada aproveitou para lembrar a necesidade de denunciar calquera ameaza ou agresión deste tipo.
CONCELLO DE LUGO
Tamén destacou a subdelegada que a favorable evolución da criminalidade na capital da provincia, pois rexistrouse un descenso do 2,2% nas infraccións penais. No primeiro semestre deste ano foron 1.452 mentres que no mesmo período de 2018 computáranse 1.484.
No municipio de Lugo, os roubos con violencia e intimidación (27) diminuíron un 30,8% e tamén baixaron un 13,7% os roubos con forza en domicilios, establecementos e outras instalacións (63). O descenso foi do 25% no caso dos roubos con forza en domicilios (36). Igual que no resto da provincia, no concello de Lugo produciuse un aumento nos delitos contra a liberdade e indemnidade sexual. Neste caso, houbo 12 infraccións penais rexistradas o que supón un incremento do 9,1%.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
