Lugo, 8 de setembro, 2019. O vicesecretario de Participación do Partido Popular e deputado no Congreso por Lugo, Jaime De Olano, asegura que “se pode traballar polos lucenses e polos galegos como facemos os deputados e senadores do PP”, pero tamén se pode “estar en Lugo e traballar unicamente por Pedro Sánchez”.
Así o expón o deputado popular ao entender que “a Sra. Otero volve a insistir en que se ten que elixir entre os lucenses e Pedro Sánchez, elixe servir ao seu xefe Sánchez. É unha lástima para os lucenses ver como por máis cambios que se produzan no PSdeG da nosa provincia, a actitude é sempre a mesma: palabras grosas, mala educación e pouco ou nada máis que sexa útil para os lucenses”.
De Olano asegura que “a Sra Otero demostra, unha vez máis, dúas cousas: que non leu o informe fantasma da Abogacía do Estado que non está a disposición dos Grupos Parlamentarios do Congreso; nin tampouco o informe dos servizos xurídicos da Xunta que aportan solucións xurídicas e legais á actualización das entregas a conta á Comunidade Autónoma e a PIE (Participación dos Ingresos do Estado) aos Concellos”.
Coas súas palabras, “enténdese que Patricia Otero acusa tamén a Page, a Ximo Puig ou a Lambán de desbarrar e descoñecer a legalidade” porque “os presidentes socialistas de Castela A Mancha –onde foi aprobada unha resolución esixindo que se transfiran eses fondos-, da Comunidade Valenciana ou Aragón si se puxeron do lado dos seus veciños e reclaman o mesmo que o PP”, engade o popular.
“Dende o PSdeG néganse a buscar solucións, só serven a Sánchez”
Para o vicesecretario de Participación do PP, “a Sra. Otero, no seu afán por negarse a todo o que incomode a Pedro Sánchez, rexeita a posibilidade de reunir ao Consello de Política Fiscal e Financeira para buscar entre a Comunidade Autónoma e Estado unha solución á retención do diñeiro dos galegos” e á Comisión Nacional da Administración Local respecto dos Concellos da provincia e da Deputación Provincial. “Dende o PSdeG deixan así ben claro que non lles importa nada buscar solucións entre todos e que só serven a Sánchez”, afirma De Olano.
“Conxelar as entregas a conta é confundir o touciño coa velocidade”, considera o popular; xa que “Hacienda xa ten ese diñeiro nas súas arcas; eses cartos pertencen ás Comunidades Autónomas e entidades locais, non ao Ministerio de Hacienda; e, ademais, o envío aos seus verdadeiros destinatarios non xera un gasto novo que puidese hipotecar aos futuros Gobernos”.
Ante esta situación, o deputado do Partido Popular pregúntase “se o verdadeiro obxectivo do Ministerio de Hacienda é afogar ás CC.AA. para provocar a investidura de Sánchez”. De Olano entende que “a dirixente do PSdeG en Lugo teña que defender o indefendible”, pero que “busque argumentos más cribles”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
