Viveiro, 10 de setembro, 2019. O 28 de maio de 2019, xusto despois da celebración das eleccións municipais, solicitei unha reunión co Alberto Núñez Feijoo, Presidente da Xunta de Galicia, para tratar sobre determinados asuntos de especial relevancia para este concello que se atopaban pendentes de resolución por parte da administración autonómica, como é o Plan Xeral de Ordenanción Municipal, a Vía de Alta Capacidade da Costa Norte ou o saneamento da ría; por outra banda, quería tamén falar sobre os diferentes proxectos anunciados para Viveiro, por parte da Xunta de Galicia e o candidato á alcaldía polo PP, durante a pasada campaña, como é a colaboración desa administración con respecto ao Conservatorio Profesional de Música de Viveiro, a reconstrucción de Xunqueira, a conexión de Viveiro con Cabreiros, o Museo da Semana Santa ou a mellora, reorganización e humanización da fachada marítima de Viveiro.
Un mes despois, o 28 de xullo de 2019, puxémonos en contacto novamente co gabinete do Presidente para saber se había algunha previsión con respecto á data na que podía ter lugar a reunión solicitada e para engadir un novo asunto aos temas a tratar. A semana pasada volvimos a poñernos en contacto con Presidencia para preguntar novamente pola data da reunión.
Ao longo destes meses, afortunadamente, algúns dos temas foron fluíndo como o emisario, pero segue habendo moitas cuestións pendentes. Un destes asuntos é a reconstrucción de Xunqueira e arranxo de desperfectos causados pola riada que asolou Viveiro en novembro de 2018, causando o falecemento dunha veciña e cuantiosos danos en diversos puntos do concello, pois aínda que o barrio de Xunqueira foi o lugar máis afectados, producíronse destrozos en moitos outros lugares, como Campo de Verdes, Pontelabrada, Magazos, A Carreira, etc.
O custe das labores de limpeza asumido polo concello ascendeu a cerca de 80.000 €; a Deputación de Lugo tamén está colaborando en zonas non afectadas por sectoriais, como no muro do cemiterio, axudando para a redacción do estudo previo e a execución da obra.
Durante a campaña electoral realizáronse unha serie de promesas con respecto a este tema e, consecuentemente, queremos falar co Presidente para coñecer de primeira man o seu compromiso e, se pode, que se achegue a Viveiro para coñecer a situación, pois as consecuencias da riada aínda son claramente visibles. Gustaríame tamén coñecer a disposición da Xunta de Galicia e posible financiamento tanto para as obras de reparación (en Xunqueira e noutros puntos, como pode ser o lavadoiro de Pontelabrada) como para a execución das actuación recollidas no Plan Específico de Xestión de Risco de Inundación da ARPSI Fluvial ES014-LU-170101 Río Fontecova, no que Augas de Galicia propón a este concello a adopción dunha serie de actuacións, plantexando tres posibles solucións, por un importe aproximado de medio millóns de euros, unha cifra á que cómpre engadir o custe derivado dos arranxos dos demais lugares afectados.
Consideramos que todas as administracións se deben implicar por tratarse dun asunto excepcional e de grande importancia e, para falar deste mesmo asunto, tamén temos solicitada coa Conselleira de Infraestruturas e Mobilidade, sobre a que tampouco obtivemos resposta.
Ante unha situación excepcional como esta é preciso buscar a implicación e consenso de todas as administracións. Sabemos que a Deputación de Lugo estaba disposta a colaborar na reconstrución do barrio de Xunqueira. A Xunta de Galicia tamén anunciou a súa intención de colaborar, pero a dia de hoxe non temos información ao respecto; polo súa parte veuse colaborando coa limpeza de estradas e viais da súa titularidade.
A vindeira semana vai ter lugar unha reunión de voceiros para explicarlles que a reunión co Presidente da Xunta de Galicia está solicitada dende finais de maio co intención de falar destas cuestións; na xuntanza de voceiros tamén se falará do plan remitido por Augas de Galicia e das tres posibles solucións, que non contan coa conformidade dos veciños, sobre todo, no que se refire ao ensanchamento do río.
Con esta xuntanza cos voceiros dáse continuidade ás celebradas anteriormente. Os voceiros do mandato anterior eran coñecedores da situación e a resposta remitida a Augas de Galicia con respecto ás proposta realizadas no lan Específico de Xestión de Risco de Inundación da ARPSI Fluvial ES014-LU-170101 Río Fontecova foi consensuada. Tras as eleccións municipais, xa se convocou unha reunión cos novos voceiros para explicarlles a situación e agora, nesta nova xuntanza que terá lugar a vindeira semana, pretendemos volver a consensuar unha resposta conxunta para responder ao último escrito remitido ao respecto por Augas de Galicia.
A Alcaldesa-Presidenta,
María Loureiro García
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
