Viveiro, 26 de setembro de 2019. No día de onte o Concello de Viveiro e a Semana Santa de Viveiro estiveron representadas no III Foro da Rede Europea de Celebracións de Semana Santa e Pascua, que se celebrou na localidade alicantina de Orihuela. O 1º Tenente de Alcalde, Jesús Fernández, e o Presidente da Xunta de Cofradías da Semana Santa de Viveiro, José Veiga, participaron neste acto xunto cos integrantes da asociación que se formou no mes de marzo na localidade portuguesa de Braga, onde se asinaron os estatutos e acta fundacional desta asociación, que ten como principal obxectivo acadar a denominación do I Interés Cultural Europeo da Semana Santa e Pascua.
As oito entidades que forman parte desta asociación: Malta; Braga; Caminos de Pasión; Fundación Federico II, de Sicilia; Orihuela; Skofja Loka, de Eslovenia; Lorca e Viveiro tomaron hoxe outro punto de partida para seguir nesta nova andaina co fin de acadar o I Itinerario Cultural Europeo.
Na orde do día da asamblea celebrada no día de onte incluíronse os seguintes puntos: lectura e aprobación da acta anterior; información sobre a alta da asociación no Rexistro Internacional de Asociacións e a apertura dunha conta bancaria; presentación das propostas para a elección da imaxe da marca, unha imaxe que vai representar a esta rede europea e que na, das tres presentadas, foi escollida a da Semana Santa de Braga; informe dun foro internacional que se celebrou en Visby, Suecia; requisitos do expediente da solicitude para a candidatura do Itinerario Cultural do Consello de Europa; información sobre a constitución dun Comité Científico, coas súas funcións, coordinación e funcionamento, así como a presentación de propostas para o plan de traballo e accións do comité científico; e aprobación da asignación de cotas por cada participante e o presuposto para 2019, que ten un importe aproximado de 22.500 €.
Hai que destacar, tal e como apuntou o Alcalde de Orihuela no recibimento que tivo lugar no Museo da Semana Santa desa cidade, que isto é un paso máis, unha marcha máis, para acadar este ansiado Itinerario Cultural e que é unha oportunidade para seguir unindo pobos e comarcas e, por outro lado, refrendar o tema cultural, o tema turístico e o tema, loxicamente, relixioso de cada comarca e de cada autonomía.
A seguinte proposta que hai feita é para participar en Fitur, xa para a presentación desta marca, e logo seguir traballando no expediente, que se prevé longo e cun traballo arduo, por eso se constituíu este comité ciéntifico e técnico. Esta asemblea supón un paso importante nesta andaina que empezou no mes de setembro de 2018 na localidade cordobesa de Lucena e que se refrendou, coa sinatura dos estatutos e da acta fundacional, no mes de marzo na localidade portuguesa de Braga, nas que o Concello de Viveiro, igual que nesta ocasión, estivo representando tanto a Viveiro como á nosa Semana Santa.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
