Foz, 11 de setembro, 2019. Dende o Partido Popular de Foz preocúpanos que o actual goberno bipartito de Psoe e Bng poda dar marcha atrás ao expediente da nova Depuradora que se atopa nun estado moi avanzado de tramitación; dado que foron eles cando estaban na oposición, os que se opoñían á ubicación plantexada por PP e FPF na Granda de Forxán e que agora figura no actual anteproxecto, polo que presentaremos unha moción instando ao goberno a que unha vez máis cambie o seu criterio e prosiga co traballo realizado polo anterior goberno popular.
O Voceiro municipal, Javier Castiñeira engadía “….a día de hoxe a tramitación da nova depuradora de Foz está moi avanzada, pendente de que Augas de Galicia resolva as alegacións ao anteproxecto que foi publicado o 22 de febreiro de 2019 e sexa informado polo órgano ambiental competente.
A partir de aí deberá ser a Corporación Municipal a que teña que confirmar o anteproxecto en Pleno e poñer a disposición os terreos para que Augas de Galicia licite o proxecto e a construción de acordo ao convenio firmado o 31 de agosto de 2016 entre o Concello de Foz e a Consellería de Medio Ambiente e polo que a Xunta comprometía 8 millóns de euros para resolver definitivamente os problemas ambientais ocasionados pola actual depuradora…”.
Prosigue o exalcalde que “…É precisamamente iso o que nos preocupa; que todo isto poda sufrir un parón dado que os grupos que conforman o actual goberno, Psoe e Bng están totalmente en desacordo coa ubicación que plantexa o anteproxecto na Granda de Forxán, aprobada por maioría no Pleno do 3 de novembro de 2015 cos votos favorables de PP e FPF e defenderon ata o último momento outras opcións distintas á proposta pola Xunta coma a de ampliar a existente en Foz que pretendían os socialistas ou a ubicación no polígono de Fazouro pola que apostan os nacionalistas…”
Asevera Castiñeira, “…O bipartito ten dúas opcións “…ou ser consecuentes co dito na oposición durante estes últimos anos e co prometido electoralmente no mes de maio a diferentes colectivos e asociacións e REXEITAR o anteproxecto actual, o que conlevaría a perda de anos de tramitación e do finanzamento asinado entre a Xunta de Galicia e o anterior goberno municipal do Partido Popular, ou tirar á taza do water os argumentos que usaron estes 8 anos e apoiar a nosa moción E PROSEGUIR CO ANTEPROXECTO DA DEPURADORA NA GRANDA DE FORXÁN, INDA QUE ISO SUPOÑA UNHA NOVA INCOHERENCIA de Psoe e Bng posto que estarían tomando decisións no goberno contrarias ao que propoñian na oposición, o cal tampouco nos sorprendería…”
Conclue Castiñeira, “… Queremos que non axa dúbidas, hai moito en xogo e Psoe e Bng neste asunto preferiron sempre a malmeter e o bloqueo que a sumar co anterior goberno o que agora pode ser un problema. Sabemos ademáis que os Srs Cajoto e Fanego o pasado mes de agosto mantiveron unha reunión cos responsables de Augas de Galicia que non trascendeu publicamente e ás costas da comisión de seguemento da depuradora o que aumenta a incertidumbre polo que tamén pedimos se convoque inmediatamente e se dé conta do falado ou o acordado na mesma e en todo caso se lle explique a grupos da oposición e asociacións veciñais que ten pensado facer o novo goberno…”
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
