Mondoñedo, 19 de setembro, 2019. O Partido Popular reclamará por todos os medios ao seu alcance, en todas as institucións nas que ten representación, inversións do Ministerio de Fomento para o arranxo e mellora da estrada N-634 nos tramos que se atopan en mal estado. Os populares consideran que é unha infraestrutura esencial nas comunicacións da provincia.
Fomento anuncia este días, unha vez máis, proxectos para combater a néboa e o vento na autovía A-8, no Fiouco. Elena Candia, presidenta provincial do PP e alcaldesa de Mondoñedo, valora positivamente estas iniciativas, pero recorda que foi o Goberno de Mariano Rajoy o que deu os primeiros pasos para solucionar os problemas no Fiouco mediante o sistema de compra pública innovadora, no 2017. Di que como alcaldesa de Mondoñedo valora positivamente que se licite o proxecto para mellorar a seguridade, pero anuncia que non deixará de solicitar con intensidade investimentos na mellora da N-634, por seguridade. Candia estima que a execución do proxecto do Fiouco levará bastante tempo e que, a marxe de que estea aberto ou non ese tramo da A-8, hai condutores que seguen empregando a N-634. Candia recoñece que ao Concello de Mondoñedo lle interesa ter unha N-634 en condicións, con bo pavimento e sinalización e alumeado, pero resalta que non é só un tema local. «Non imos deixar de insistir nesta demanda; agora aínda con máis intensidade», asegura. Di que a N-634 precisa melloras no firme en moitos treitos, así como unha ampliación da sinalización. A maiores, deben ser iluminadas as saídas a autovía.
A mellora da N-634 é unha vella demanda dos lucenses, especialmente dos que viven no seu entorno e de maneira moi sinalada dos que teñen que utilizala habitualmente. Neste sentido, é de recordar que a alcaldesa de Mondoñedo, portavoz popular na Deputación e presidenta provincial do PP, Elena Candia, xa expuxo estas reclamacións en varias ocasións. Unha das máis recentes, no pasado verán. Hoxe, igual que naquel momento, asegura que, ao paso polo municipio que goberna, a N-634 non se atopa nas condicións necesarias para absorber o tráfico que soporta. Candia conseguira en abril 2017 un compromiso do Ministerio de Fomento para efectuar un estudo previo ao proxecto de mellora da citada estrada. Posteriormente, efectuou xestións con representantes do Goberno central para reivindicar a execución do compromiso adquirido por Fomento.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
