Santiago de Compostela, 30 de setembro de 19. A portavoz de Urbanismo do Grupo Socialista, María Pierres, esixiulle hoxe ao goberno galego que leve a cabo a rehabilitación integral á que están obrigados de tres vivendas de Viveiro titularidade do IGVS, situadas no cruce de Rosalía de Castro con Fernández Victorio. Pierres presentou unha pregunta oral na Comisión de Obras Públicas do Parlamento para reclamarlle á Xunta que actúe.
A parlamentaria socialista lembra que os inmobles son de titularidade do goberno galego dende 2006 e que “o fin último para o que foron adquiridos foi a súa rehabilitación integral como vivendas de protección pública”. Acusou ao Executivo de “obviar a demanda existente neste Concello”, con 46 familias demandantes de VPP, 44 delas en réxime de aluguer, e 11 delas especificamente no casco histórico.
Censurou que o PP local “amosa sen reparos a súa visión selectiva, reclamando nesta vila a rápida actuación do Concello no abandono de vivendas de particulares, e non tanto no que é a propia administración autonómica a propietaria a lo menos dende hai 13 anos”.
Aludiu ás declaracións do delegado territorial da Xunta, Xosé Manuel Balseiro, apuntando á falla de demanda nunha adxudicación anterior esquecendo as condicións daquelas, con problemas de accesibilidade ou escaso espazo, polo que lle recomendou atender ás necesidades dos demandantes. Pierres considera neste sentido “complicado de explicar” o feito de que “é a propia Consellería quen favorece un estado de abandono” nas edificacións.
O feito chegou a que o pasado 15 de xullo a alcaldía do Concello trasladoulle ao Instituto Galego de vivenda un informe técnico sobre o estado das vivendas, cun nivel de degradación que chegou a provocar desprendementos do revestimento de fachada sobre o vial público. O informe técnico urxe a proceder ao desbroce da vexetación, eliminando tamén a súa presenza nas fachadas, a retirada do revestimento con risco de desprendemento e saneando as fachadas das edificacións.
Pierres ironizou coa actuación do goberno galego nas vivendas precisamente “nos días previos a esta Comisión, limpando cando menos a vexetación e tapiando algún oco de fachada polo que saían eses elementos vexetais”.
Anteriores declaracións de Balseiro, delegado territorial, insinunando non adxudicación das anteriores vivendas do Concello porque non había demanda, caqndo eran condicionadas, mala accesibilidade, pequenas,
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
