Valoración do BNG de Lourenzá do último pleno

Lourenzá, 22 de setembro, 2019. O pasado Xoves dia 19/09/2019 tivo lugar o pleno ordinario da corporación, o cal estivo marcado por unha orde do dia cun baixo contido.
Como punto a salientar, da orde do dia levado polo goberno local, está a marcaxe dos dias festivos locais para o 2020, que ficarán do seguinte xeito: 25 de Febreiro ( Martes de entroido ) , 31 de Agosto ( Luns do Conde Santo ).
Tamén foron presentadas, por parte do goberno local, 695 resolucións da alcaldía. Dende o grupo do BNG fixemos constar da nosa incorformidade co modo de achegar os concelleiros/as esta documentación. Entrégasenos o luns previo o pleno, para revisala antes do xoves as 20:30. Revisar case 700 documentos en menos de 3 dias non é viable para ninguén, por isto solicitamos que ditas resolucións sexan entregadas a cada concelleiro mes a mes, coincidindo coa documentación entregada das xuntas de goberno. Dende a alcaldía din non ver problema a facelo de este xeito e que se fará a consulta a secretaria do concello de como realizalo, esperemos que a partir de agora se modifique esta situación.
Na parte de rogos e preguntas só o BNG presentou, previo pleno, cuestións para ser tratadas.
O BNG de Lourenzá rogou por:
1. A colocación de 2 espellos que faciliten a visibilidade na conducción, 1 no aparcadoiro sito diante do hotal “A unión”, e outro no cruce entre A Cazolga e a estrada de Oirán o cal xa conta co poste para colocar dito espello.
Dende a alcaldía responden que o da cazolga será colocado o antes posible, e que se estudará a colocación do espello diante do hostal “A unión”.
2. Pontenciar e arranxar as rutas de sendeirismo coas que xa conta o noso concello, pero están en nulas, ou case, condicións de uso. A recuperación e conservación das áreas etnográficas dos Muiños da Valiña, a caleira, e a Fonte da Espiñardá que forman parte da ruta do val, e a ruta de San Rosendo, así como o arranxo da Aula da Natureza. Lugares e patrimonios cos que temos a sorte de contar, e cun pouco de agarimo e esforzo farían de Lourenzá un lugar máis atractivo para veciños e visitantes.
Dende a alcaldía responden que ditas rutas son moi extensas e iso é un problema para a súa conservación e potenciación. Para o BNG a extensión non pode ser unha excusa para deixar morrer ditas rutas, se non un aliciente para coidalas e mimalas.
3. É preciso xestionar os fedores que temos cos contedores de basura, sobre todo na plaza “Cesar Chavarría” , solución que pode pasar por un uso responsable dos comercios cos residuos, e con limpeza periódica dos contedores.
Dende a alcaldía responden que estudarán que medidas tomar para evitar ditos fedores.

O BNG de Lourenzá preguntou por:
1. Ten constancia o grupo de goberno de que o pasado 23/08/2019 un todo terreo derrubou un poste do tendido eléctrico no lugar de “A cazolga”? Derrubo de poste que fixo ficar as casas da contorna e a área recreativa sin luz pública ata o dia de hoxe.
Dende a alcaldía responden que si, pero que se está a esperar que o seguro do vehículo se faga cargo do arranxo. Dende o BNG creemos que non se pode esperar a que o seguro se faga cargo, debese arranxar dende o concello, e despois que sexa o seguro quen se faga cargo dos costes do arranxo.
2. Unha vez rematada a tempada estival é momento de facer “recontos”, cantos visitantes pasaron pola oficina de turismo?
Dende a alcaldía responden que entre os meses de xuño a setembro 681 persoas pasaron por dita oficina. O BNG ve este dato con preocupación, e co convencemento de que queda moito por facer para que Lourenzá sexa un lugar atractivo a visitantes.
3. Os membros do BNG de Lourenzá recibimos queixas de veciños, de que o tractor municipal estaba parado, o tempo que se contrataron servizos de unha empresa externa para a realización de limpezas e desbroces. Vai esta situación a continuar, procedendo así a privatizar un novo servizo municipal?
Dende a alcaldía responden que é certo que esa situación aconteceu, pero por avería da maquinaria, e que non se privatizará dito servizo.
4. Vimos observando, tanto membros do partido como veciños, que o ximnasio municipal está sendo usado por xente de forma privada. Ten constancia o grupo municipal do uso privado dunha instalación pública?
Dende a alcaldía responden que se enteraron recentemente de dita situación, e procederon a cambiar a pechadura e pendurar un cartaz informativo de que o ximnasio será arranxado e posto en funcionamento con xestión municipal o próximo 4 de Novembro.
Ós membros do BNG observamos que dito cartaz apareceu pendurado o martes, cando dita pregunta foi feita de forma oficial, polos mecanismo legais, o luns.
5. Trala modificación dos salarios dos órganos de goberno, e sin haber unha modificación dos presupostos, non temos constancia de que partida saen ditos salarios ou si foi modificada algunha partida mediante unha resolución da alcaldía. ( Serianos imposible sabelo porque non é posible revisar 695 resolucións ).
Dende a alcaldía responden que non houbo modificación algunha.