Lugo, 7 de outubro de 2019. A deputada de Medio Rural, do Mar e Mocidade, Mónica Freire Rancaño, asistirá mañá á reunión ordinaria do Consello de Goberno do Instituto de Biodiversidade Agraria e Desenvolvemento Rural (IBADER), que se celebrará mañá a partir das 5 da tarde no Campus Terra.
Na reunión aprobarase o novo regulamento de réxime interno do instituto e a comisión asesora externa, e presentarase a memoria de actividades do centro durante a última anualidade.
A deputada mariñá sinalou que a presenza na xuntanza “renova o compromiso de colaboración coa Universidade de Santiago de Compostela e dun centro de Investigación cunha traxectoria tan ampla ao longo destes anos, e necesaria para o rural da provincia”
O Ibader centra o seu labor na investigación, na docencia e na difusión. O seu principal obxectivo é constituír un foro permanente de encontro, exposición e debate de todas as actividades de interese para o agro galego, especialmente no ámbito da conservación e xestión da biodiversidade e do medio ambiente no medio rural, da
mellora dos sistemas de produción e novas orientacións produtivas e da
planificación e estrutura do territorio rural.
O Consello de Goberno, presidido polo reitor da Universidade de Santiago, establece as liñas estratéxicas e programáticas do instituto e as directrices e procedementos para a sáu aplicación.
A deputada de Medio Rural, Mónica Freire Rancaño, participará este martes na reunión do Consello de Goberno do Instituto de Biodiversidade Agraria e Desenvolvemento Rural
Relacionado
-
A Xunta destaca en Vilalba o potencial formativo do Grupo Forma‑t para atender as necesidades das empresas galegas
-
O inaugurado Centro Internacional da Tornería de Xermade, exemplo de investimento estatal contra o despoboamento
-
O PSdeG denuncia que o Concello de Abadín publicou con oito días de atraso as probas da brigada contra incendios
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
